தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி நட்சத்திர நடிகரான சிலம்பரசன் TR நடிப்பில் உருவாகும் 'அரசன் ' திரைப்படத்தின் முதற்கட்ட படப்பிடிப்பு பூஜையுடன் தொடங்கியது.

இயக்குநர் வெற்றிமாறன் இயக்கத்தில் உருவாகி வரும் 'அரசன்' எனும் திரைப்படத்தில் சிலம்பரசன் TR, விஜய் சேதுபதி, சமுத்திரக்கனி, ஆண்ட்ரியா, கிஷோர் உள்ளிட்ட பலர் நடிக்கிறார்கள். அனிருத் இசையில் தயாராகி வரும் இந்த பிரம்மாண்டமான திரைப்படத்தை வி கிரியேசன்ஸ் நிறுவனம் சார்பில் தயாரிப்பாளர் கலைப்புலி எஸ். தாணு தயாரித்து வருகிறார்.

இப்படத்தின் அறிமுக காணொளி வெளியாகி மில்லியன் கணக்கிலான பார்வையாளர்களால் பார்வையிடப்பட்டு படத்தை பற்றிய எதிர்பார்ப்பு எகிறி இருந்த நிலையில் தற்போது இப்படத்தின் முதற்கட்ட படப்பிடிப்பு தொடங்கி இருக்கிறது. தொடர்ந்து இருபது நாட்கள் வரை படப்பிடிப்பு நடைபெறும் என படக் குழுவினர் மகிழ்ச்சியுடன் தெரிவித்துள்ளனர்.

சிலம்பரசன் - வெற்றிமாறன்- கலைப்புலி எஸ். தாணு ஆகியோர் கூட்டணி அமைத்திருப்பதால் 'அரசன் ' படத்தைப் பற்றிய சிறிய தகவல்களும் இணையத்தில் பாரிய அதிர்வை ஏற்படுத்தி வருகிறது.