தவறவிடாதீர்கள்..!உடனே பதிவு செய்யுங்கள்

இன்றைய திகதியில் திருமணமான பெண்களில் 15 சதவீதத்தினருக்கு மேல் குழந்தையின்மை பிரச்சினையால் பாதிக்கப்படுகிறார்கள். இவர்களின் 10 சதவீதத்தினருக்கு மேல் குழந்தைப் பெற்றுக் கொள்வதற்கான முறையான தாம்பத்யம் எதுவென்பது குறித்த முறையான விழிப்புணர்வை பெறாதவர்களாகவேயிருக்கிறார்கள். இவர்களுக்கு தம்பதியர்களுடன் முதல்கட்ட ஆலோசனை கொடுத்தால் போதும். இதையடுத்து பெரும்பாலான பெண்கள் பாதிக்கப்படுவது பைப்ரொய்ட் கட்டிகள் எனப்படும் நார்த்திசுக் கட்டிகளால் தான்.

இந்த கட்டிகள் கர்ப்பப் பையின் உட்புறப் பகுதி, வெளிப்புறப் பகுதி மற்றும் இவ்விரண்டிற்கும் இடைப்பட்ட பகுதி என 3 இடங்களில் ஏற்படுகிறது. இவற்றில் கருப்பையின் உட்சுவர் பகுதியில் உருவாகும் கட்டிகள் தான் குழந்தையின்மை பிரச்சினைக்கு முக்கிய காரணமாகிறது. இந்த கட்டியின் அளவு, எண்ணிக்கை ஒவ்வொரு பெண்ணிற்கும் மாறுபடும்.

எண்டோமெட்ரியம் எனப்படும கருப்பையின் உட்சுவர் பகுதியில் இவர் தோன்றுவதால் கருசிதைவு ஏற்படுகிறது. ஒரு சிலருக்கு இந்த கட்டிகள் கருக்குழாயினை அழுத்துவதால் மலட்டுத்தன்மையை கூட ஏற்படுத்திவிடுகிறது.

பைப்ரொய்ட் கட்டிகள் தோன்றுவதற்கு ஹோர்மோன்களின் சுரப்பில் ஏற்படும் சமச்சீரின்மை, குறைந்த வயதில் பூப்பெய்தல், மரபணு குறைபாடுகள், விபத்து மற்றும் எதிர்பாராத தருணங்களில் கர்ப்பப்பை காயமடைதல், கருத்தடை மாத்திரைகளை அதிகளவில் உபயோகித்தல், மது அருந்துதல் என பல காரணங்களை கூறலாம்.

இதனை ஹிஸ்ட்ராஸ்கோப்பி மற்றும் லாப்ராஸ்கோப்பி மூலம் கண்டறிந்து மருந்துகளாலும், மாத்திரைகளாலும் அல்லது சத்திர சிகிச்சைகளாலும் முழுமையான நிவாரணமளிக்க இயலும்.

வைத்தியர். கீதா ஹரிப்ரியா

தொகுப்பு அனுஷா.

தகவல் : சென்னை அலுவலகம்