தவறவிடாதீர்கள்..!உடனே பதிவு செய்யுங்கள்

உட­லுக்கு குளு­மையை தரக்­கூ­டி­யதும், செரி­மா­னத்தை தூண்டும் தன்மை உடை­யதும், சிறுநீர் தாரையில் ஏற்­படும் எரிச்­சலை போக்க கூடி­யதும், விஷக்­க­டிக்கு மருந்­தாக அமை­வதும், ஊட்­டச்­சத்து மிக்­க­து­மான கரும்­பின் மருத்­துவ குணங்­களை பற்றி பார்ப்போம். பொங்கல் பண்­டி­கை­யின்­போது பயன்­ப­டுத்தும் முக்­கிய பொரு­ளாக கரும்பு விளங்­கு­கி­றது. பல்­வேறு மருத்­துவ குணங்­களை கொண்ட கரும்பு சாறை பயன்­ப­டுத்தி செரி­மா­னத்தை தூண்டும் மருந்து தயா­ரிக்­கலாம்.

தேவை­யான பொருட்கள்:

கரும்பு சாறு, எலு­மிச்சை, இஞ்சி.

ஒரு டம்ளர் கரும்புச் சாறு எடுத்­துக்­கொள்­ளவும். அத­னுடன் சிறிது எலுமிச்சை சாறு, ஒரு ஸ்பூன் இஞ்சி சாறு சேர்த்து கலக்­கவும். உண­வுக்கு பின்னர் இதை எடுத்துக் கொண்டால் ரத்தம் சுத்­த­மாகும். செரி­மா­னத்தை தூண்டும். பொங்­க­லின்­போது சாப்­பிடும் உண­வுகள் செரிக்­கவும், வயிற்று நோய்­களில் இருந்து பாது­காக்­கவும் இது உத­வு­கி­றது. இந்த சம­யத்தில் கரும்பு அதி­க­ளவில் கிடைக்கும் என்­பதால் அதை நன்­றாக பயன்­ப­டுத்தி கொள்­ளலாம். 50 மில்லி கரும்பு சாறுடன், ஒரு ஸ்பூன் தயிர் சேர்த்து கலந்து சாப்­பிட்டால், உடல் எரிச்சல் அடங்கி குளுமை பெறும். கை, கால் எரிச்சல் சரி­யாகும். பல்­வேறு சிறப்­பு­களை கொண்ட கரும்­பின் வேரை பயன்­ப­டுத்தி நீர் சுருக்கு, சிறுநீர் தாரையில் ஏற்­படும் எரிச்­சலை போக்கும் மருந்து தயா­ரிக்­கலாம்.

கரும்பில் இருந்து எடுக்கக் கூடிய காடியை பயன்­ப­டுத்தி பூச்­சிக்­க­டிக்­கான மேல்­பூச்சு மருந்து தயா­ரிக்­கலாம். கரும்பு காடி என்­பது கரும்புச் சாறை புளிக்க வைத்து தயா­ரிப்­பார்கள். இது நாட்டு மருந்து கடை­களில் கிடைக்கும். இந்த கரும்பு காடியை பூச்­சிக்­கடி, தேள்­கடி உள்ள இடத்தில் தட­வினால் விஷம் முறியும். வலியும் வீக்­கமும் குறையும். கரும்­பின் வேர் பகுதி சிறுநீர் தாரையில் ஏற்­படும் எரிச்­சலை போக்கும் என்பதால், நமக்கு கரும்பு கிடைக்கும்போது அதன் வேர்களை சேகரித்து காயவைத்து பொடித்து எடுத்துக்கொள்ள வேண்டும்.