தவறவிடாதீர்கள்..!உடனே பதிவு செய்யுங்கள்

இலங்கையின் பெரும்பகுதிகளை புரட்டிப்போட்டுள்ள டித்வா புயலின் கோரத்தாண்டவம் உலக நாடுகளை திரும்பிப் பார்க்கவைத்திருக்கிறது. பலத்த மழை, வெள்ளப்பெருக்கு, மண்சரிவு போன்ற அனர்த்தங்களால் நாட்டின் அதிகப்படியான பிரதேசங்களில் வீடுகளும் வீதிகளும் பாலங்களும் கல்வி நிறுவனங்களும் பாரியளவில் சேதமடைந்து, அலங்கோலமாகிப்போன காட்சிகள் உலக மக்கள் மத்தியில் மிகுந்த வேதனையை ஏற்படுத்தியுள்ளது. அதேவேளை, நாட்டில் அனர்த்தங்களால் பாதிக்கப்பட்ட பகுதிகளில் உள்ளுர் மக்களோடு இணைந்து, இலங்கைக்கு வருகை தந்திருந்த வெளிநாட்டு சுற்றுலாப் பயணிகளில் சிலர் வீதிக்கிறங்கி, தூய்மை மற்றும் மறுசீரமைப்புப் பணிகளில் ஈடுபட்டு வருவதையிட்டு, இலங்கையர்கள் அளவிட முடியாத பெருமிதம் கொள்கின்றனர்.