தவறவிடாதீர்கள்..!உடனே பதிவு செய்யுங்கள்

கண்டி மாவட்டத்தின் உலப்பனை, பறாகல உள்ளிட்ட பிரதேசங்களில் ஏற்பட்ட நிலச்சரிவு அனர்த்தத்தினால் பலர் பாதிக்கப்பட்டுள்ளனர். காயமடைந்த மற்றும் அவசர உதவி தேவைப்படும் இப்பகுதி மக்கள் தற்போது நாவலப்பிட்டி மாவட்ட மருத்துவமனையில் அனுமதிக்கப்பட்டுள்ளனர்.

இந்நிலையில், பாதிக்கப்பட்ட மக்களை நேரில் சந்தித்து நலம் விசாரிக்கும் நோக்கில் பாராளுமன்ற உறுப்பினர் சுந்தரலிங்கம் பிரதீப், கண்டி மாவட்ட பாராளுமன்ற உறுப்பினர் துஷாரி ஜயசிங்க, பஸ்பாகே மற்றும் கங்கஇயல கோரளை பிரதேச சபைகளின் தலைவர்கள், உப தலைவர்கள் மற்றும் பிரதேச சபை உறுப்பினர்கள் இணைந்து மருத்துவமனைக்கு சென்று பார்வையிட்டனர்.

அவர்கள், நிலச்சரிவால் பாதிக்கப்பட்ட குடும்பங்களின் தேவைகள், உடனடி நிவாரண உதவிகள் மற்றும் எதிர்கால பாதுகாப்பு நடவடிக்கைகள் குறித்து மருத்துவ பணியாளர்கள் மற்றும் சம்பந்தப்பட்ட அதிகாரிகளுடன், பொதுமக்களுடனும் கலந்துரையாடினார்.