தவறவிடாதீர்கள்..!உடனே பதிவு செய்யுங்கள்

ஆஸ்திரேலியாவில் நடைபெற்று வரும் ஆஷஸ் தொடரின் இரண்டாவது டெஸ்ட் போட்டியில் இங்கிலாந்து அணியின் கேப்டன் ஜோ ரூட் தனது முதல் ஆஸ்திரேலியா சதத்தை பதிவு செய்து 135 ரன்னுடன் களத்தில் திகழ்ந்தார். இதனால் இங்கிலாந்து அணி முதல் இன்னிங்சில் 9 விக்கெட்டுக்கு 325 ரன் எடுத்தது.

ஆஷஸ் தொடருக்கு முன், "ஜோ ரூட் சதம் அடிக்கவில்லை என்றால் மெல்போர்ன் மைதானத்தை நிர்வாணமாக சுற்றிவருவேன்" என்று முன்னாள் ஆஸி வீரர் மேத்யூ ஹைடன் நகைச்சுவையாக கூறியிருந்தார். இதை தொடர்ந்து அவரது மகள் கிரேஸ் ஹைடன், "தயவு செய்து இந்த முறை சதம் அடியுங்கள்" என்று ரூட்டுக்கு இன்ஸ்டாகிராமில் வேண்டுகோள் விடுத்திருந்தார்.

ரூட் சதம் அடித்ததையடுத்து ஹைடன் அவருக்கு வாழ்த்து தெரிவித்ததுடன், “நீங்கள் சதம் அடிக்கவில்லை என்றால் மற்ற யாருக்கும் அல்ல, எனக்கே பெரிய ஆபத்து” என நகைச்சுவையாக குறிப்பிட்டார். இதற்கு ஹைடனின் மகள் மீண்டும் நன்றி தெரிவித்தார். 

இந்த பதிவு தற்போது சமூக வலைதளங்களில் வைரலாகி வருகிறது.