தவறவிடாதீர்கள்..!உடனே பதிவு செய்யுங்கள்

கன்னட திரையுலகின் முன்னணி இளம் நட்சத்திர நடிகரான ராஜேஷ் துருவா கதையின் நாயகனாக நடிக்கும் 'பீற்றர்' எனும் திரைப்படத்தில் இடம்பெற்ற 'தாயே தேவதை' எனும் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் சுகேஷ் ஷெட்டி இயக்கத்தில் உருவாகி வரும் 'பீற்றர் ' எனும் திரைப்படத்தில் ராஜேஷ் துருவா, ஜான்வி ராயலா, ரவிக்ஷா ஷெட்டி , பிரதிமா நாயக் , ‌ரகு பாண்டேஸ்வர் , வருண் பட்டேல், பரத், தீனா, ராதாகிருஷ்ணா கும்ப்ளே உள்ளிட்ட பலர் நடித்திருக்கிறார்கள். குரு பிரசாத் நர்நாட் ஒளிப்பதிவு செய்திருக்கும் இந்த திரைப்படத்திற்கு ரித்விக் முரளிதர் இசையமைத்திருக்கிறார். எமோஷனல் டிராமாவாக தயாராகி இருக்கும் இந்த திரைப்படத்தை விருத்தி ஸ்டுடியோஸ் நிறுவனம் சார்பில் ரவி ஹையர்மத் ராகேஷ் ஹெக்டே ஆகியோர் இணைந்து தயாரித்திருக்கிறார்கள்.

இப்படத்தின் ஃபர்ஸ்ட் லுக் வெளியாகி பெரும் வரவேற்பை பெற்ற நிலையில்... இப்படத்தில் இடம்பெற்ற 'தாயே தேவதை தாயே தேவதை ஜென்மந்தோறும் நீயே தேவ தேவதை ..'  எனத் தொடங்கும் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது. இந்த பாடலை பாடலாசிரியர் மதுரகவி எழுத பின்னணி பாடகரும், இசையமைப்பாளருமான ரித்விக் முரளிதர் பாடியிருக்கிறார். அம்மா பற்றிய உணர்வுபூர்வமான பாடல் என்பதால் அனைத்து தரப்பு ரசிகர்களையும் வெகுவாக கவர்ந்திருக்கிறது.