தவறவிடாதீர்கள்..!உடனே பதிவு செய்யுங்கள்

வட அமெரிக்காவை பூர்வீகமாகக் கொண்டதும், இரவில் சுறுசுறுப்பாக திரிவதுமான ஓர் விலங்கினம் ரக்கூன் (Raccoon) எனப்படும் அணில் கரடி ஆகும்.

சுமார் 42-71 சென்னிமீற்றர் நீளமும், 22.8-30.4 சென்னி மீற்றர் உயரமும், 3.8-9.0 கிலோகிராம் எடையும் கொண்ட இவைகள், மரங்களில் ஏறுவதிலும், நீந்துவதிலும் திறமையானவை.

பெரும்பாலும் இரவில் உணவு தேடி அலையும் இவைகள், மனிதர்கள் வாழும் பகுதிகளிலும், நகரங்களிலும் எளிதாக காணப்படும்.

இவை அனைத்துண்ணிகள் (omnivores), பழங்கள், நட்ஸ், பூச்சிகள், சிறிய விலங்குகள், குப்பைகளில் உள்ள உணவுகள் என பலவற்றையும் உண்ணும்.

இந்நிலையில், அமெரிக்காவின் விர்ஜீனியாவில் உள்ள மதுக்கடை ஒன்றில் கூரை வழியாக நுழைந்த ரக்கூன் ஒன்று, அங்கிருந்த 14 போத்தல்களை கீழே தள்ளி விட்டது.

அத்துடன், போத்தல்கள் உடைந்து தரையில் ஓடிய மதுவை குடித்துள்ளது. இதனால் போதை தலைக்கேறிய ரக்கூன், தள்ளாடியபடியே சென்று அங்கிருந்த கழிவறையில் படுத்து தூங்கியது.

மறுநாள் காலை கடையை திறந்த ஊழியர்கள், மது போத்தல்கள் உடைந்து கிடந்ததைப் பார்த்து, திருடர்கள் தான் உள்ளே நுழைந்து விட்டனரோ என நினைத்து தேடியுள்ளனர்.

இறுதியில், கழிவறையில் படுத்து கிடந்த ரக்கூனைப் பார்த்து நிம்மதி அடைந்த அவர்கள், அதைப் பிடித்து வனத்துறையிடம் ஒப்படைத்தனர்.