தவறவிடாதீர்கள்..!உடனே பதிவு செய்யுங்கள்

இலங்கைச் சந்தையில் விற்பனை விசேடத்துவத்திற்கான அளவுகோலை நிர்ணயிக்கும் வகையில், Sri Lanka Institute of Marketing (SLIM) ஏற்பாடு செய்த 2025 தேசிய விற்பனை விருது நிகழ்வில், Citizens Development Business Finance PLC (CDB) ஆறு விருதுகளை வென்றுள்ளது. 

நிதிச் சேவை வழங்குநர் பிரிவில் 2 தங்க விருதுகள், 2 வெள்ளி, ஒரு மெரிட் விருது மற்றும் ஒட்டுமொத்த பிரிவில் ஒரு வெண்கல விருது என இந்த விருதுப் பட்டியல் நீண்டு செல்கின்றமை குறிப்பிடத்தக்கது.

முன்னிலை பணியாளர் (Frontliner) பிரிவில் பினிபா சமாதி மற்றும் பிராந்திய முகாமையாளர் (Territory Manager) பிரிவில் பந்துல குமார ஆகியோர் தங்க விருதுகளை பெற்றனர்.

அதே சமயம், விற்பனை மேற்பார்வையாளர் (Sale Supervisor) பிரிவில் உதார குணவர்தனவுக்கு வெள்ளி விருதும், விற்பனை நிறைவேற்று அதிகாரி (Sales Executive) பிரிவில் ஓவதினி சோமசிறிக்கு வெள்ளி விருதும் வழங்கப்பட்டன. Sales Executive கயான் கணேபொலாரச்சி மெரிட் விருது பெற்றார். விற்பனை முகாமையாளர் (Sales Manager) ஒட்டுமொத்த பிரிவில் வெண்கல விருதை புபுது மல்லிகாரச்சி வென்றார்.