தவறவிடாதீர்கள்..!உடனே பதிவு செய்யுங்கள்

நட்சத்திர வாரிசும், பிரபல நடிகருமான கௌதம் ராம் கார்த்திக் கதையின் நாயகனாக நடிக்கும் பெயரிடப்படாத புதிய திரைப்படத்தின் படப்பிடிப்பு சென்னையில் பூஜையுடன் தொடங்கியது.

அறிமுக இயக்குநர் தினா ராகவன் இயக்கத்தில் உருவாகும் பெயரிடப்படாத முதல் திரைப்படத்தில் கௌதம் ராம் கார்த்திக், அஞ்சனா நேத்ரன், செல்வராகவன், ராபி பி .வாசு,  ஏ. வெங்கடேஷ், மாறன், இந்துமதி, 'ஆதித்யா' கதிர், பாக்கியம் சங்கர் உள்ளிட்ட பலர் நடிக்கிறார்கள். பிரதீப் காளி ராஜா ஒளிப்பதிவு செய்யும் இந்த திரைப்படத்திற்கு சாம் சி. எஸ். இசையமைக்கிறார்.

அரசியலும் நகைச்சுவையும் கலந்த இந்த திரைப்படத்தை டிராஃப்ட் பை ஜி கே பி எனும் நிறுவனம் சார்பில் இயக்குநர் கணேஷ் கே. பாபு தயாரிக்கிறார். இந்தத் திரைப்படத்தின் மூலம் 'டாடா' படப்புகழ் இயக்குநர் கணேஷ் கே. பாபு தயாரிப்பாளராக அறிமுகமாகிறார்.

இப்படத்தின் தொடக்க விழா சென்னையில் நடைபெற்றது. இந்நிகழ்வில் இயக்குநர்கள் ஹெச். வினோத் - ரா ஜுமுருகன் -‌ தயாரிப்பாளரும், விநியோகஸ்தருமான ஃபைவ் ஸ்டார் கே. செந்தில் ஆகியோர் சிறப்பு அதிதியாக பங்கு பற்றி படக் குழுவினருக்கு வாழ்த்து தெரிவித்தனர்.