தவறவிடாதீர்கள்..!உடனே பதிவு செய்யுங்கள்

நடிகர் சண்முக பாண்டியன் விஜயகாந்த் மற்றும் சுப்ரீம் ஸ்டார் சரத்குமார் ஆகியோர் கதையின் நாயகர்களாக நடித்திருக்கும் 'கொம்பு சீவி' எனும் திரைப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.

இயக்குநர் பொன் ராம் இயக்கத்தில் உருவாகியுள்ள 'கொம்பு சீவி' எனும் திரைப்படத்தில் சண்முக பாண்டியன், சரத்குமார், தார்னிகா, சுஜித் சங்கர், கல்கி, ஜார்ஜ் மரியான், கு. ஞானசம்பந்தன் உள்ளிட்ட பலர் நடித்திருக்கிறார்கள். பாலசுப்ரமணியம் ஒளிப்பதிவு செய்திருக்கும் இந்த திரைப்படத்திற்கு யுவன் சங்கர் ராஜா இசையமைத்திருக்கிறார். கிராமிய பின்னணியிலான பொழுதுபோக்கு படைப்பாக தயாராகி இருக்கும் இந்த திரைப்படத்தை ஸ்டார் சினிமாஸ் நிறுவனம் சார்பில் தயாரிப்பாளர் முகேஷ் த. செல்லையா தயாரித்திருக்கிறார்.

இப்படத்தின் பாடல்கள் - டீசர் ஆகியவை வெளியாகி மில்லியன் கணக்கிலான பார்வையாளர்களால் பார்வையிடப்பட்டு படத்தைப் பற்றிய எதிர்பார்ப்பு எகிறி இருக்கும் தருணத்தில் இப்படம் எதிர்வரும் 25 ஆம் திகதியன்று நத்தார் தினத்தை முன்னிட்டு உலகம் முழுவதும் படமாளிகையில் வெளியாகும் என அறிவிக்கப்பட்டிருக்கிறது.

இதனிடையே சண்முக பாண்டியன் தமிழ் திரையுலகில் நட்சத்திர வாரிசாக அறிமுகமாகி ஒரு தசாப்தம் கடந்த நிலையில் இதுவரை எந்த ஒரு வணிக ரீதியான வெற்றி படத்தை வழங்கவில்லை என்பதும் இவருடைய நடிப்பில் உருவாகி இந்த ஆண்டில் வெளியான 'படைத்தலைவன்' எனும் திரைப்படம் - எதிர்பார்த்த வெற்றியை பெறவில்லை என்பதும் இவரது நடிப்பில் உருவாகி இருக்கும் 'கொம்பு சீவி: எனும் திரைப்படம் சரத்குமார் -பொன் ராம் -யுவன் சங்கர் ராஜா - ஆகியோர் கூட்டணி அமைத்திருப்பதால் வெற்றி பெறக் கூடும் என்ற எதிர்பார்ப்பை ஏற்படுத்தி இருக்கிறது என்பதும் குறிப்பிடத்தக்கது.