தவறவிடாதீர்கள்..!உடனே பதிவு செய்யுங்கள்

கிளிநொச்சி மாவட்டத்தில் சீரான நீர் விநியோக நடவடிக்கையினை மேற்கொள்வதில் நெருக்கடி நிலை ஏற்பட்டுள்ளது எனவும் இதனால் பொது மக்கள் நீரை சிக்கனமாகவும், கொதிக்கவைத்தும் பயன்படுத்துமாறும் தேசிய நீர் வழங்கல் வடிகாலமைப்புச் சபையினர் அறிவித்துள்ளனர்.

தற்போது ஏற்பட்ட காலநிலை அனர்த்தம் காரணமாக கிளிநொச்சி குளத்தின் நீர் என்றுமில்லாத அளவுக்கு  மிகவும் அதிகரித்த கலங்கல் தன்மையுடன் காணப்படுவதனால்  நீரை சுத்திகரித்து விநியோகிப்பதில் நெருக்கடி நிலை ஏற்பட்டுள்ளது. 

அத்தோடு, அவ்வவ்போது ஏற்படுகின்ற மின்சார தடையும்  நீர் விநியோகத்தில் பாதிப்பை ஏற்படுத்தியிருக்கிறது.

இருப்பினும் இயன்றளவு நீரை சுத்திகரித்து வழங்குவதற்கு முயற்சிகள் மேற்கொள்ளப்பட்டு வருகின்றன. ஆனாலும் அவை மட்டுப்படுத்தப்பட்ட அளவிலேயே காணப்படும். 

எனவே பொது மக்கள் நீரை சிக்கனமாகவும், கொதிக்கவைத்தும் பயன்படுத்துமாறு தேசிய நீர் வழங்கல் வடிகாலமைப்புச் சபை தெரிவித்துள்ளது.