தவறவிடாதீர்கள்..!உடனே பதிவு செய்யுங்கள்

கடும் மழை காரணமாக பதுளை மாவட்டத்தின் ஹாலிஎல எட்டம்பிட்டிய திக்வெல்ல தோட்டம் கீழ்பிரிவில் ஏற்பட்ட திடீர் மண்சரிவில் சிக்கி இருவர் உயிரிழந்துள்ளதாகவும், மேலும் இருவர் காணாமல் போயுள்ளதாகவும் மீட்புப்பிரிவு அதிகாரிகள் உறுதிப்படுத்தியுள்ளனர்.

மண்சரிவு ஏற்பட்ட நிலையில், குறித்த பகுதிக்கு உடனடியாக இராணுவம் மற்றும் மீட்புக்குழுக்கள் சம்பவ இடத்துக்கு சென்று தேடுதல் மற்றும் மீட்பு நடவடிக்கைகளை தொடங்கியுள்ளனர்.

காணாமல் போனவர்களைத் தேடும் பணிகள் கடுமையான வானிலை காரணமாக சவாலாக இருந்தாலும், அதிகாரிகள் தொடர்ந்து முழு திறனுடன் செயல்பட்டு வருகின்றனர்.

நாடளாவிய ரீதியில் பல பகுதிகளில் கடும் மழையுடனான சீரற்ற வானிலை நிலவுவதால் மக்கள் தேவையற்ற பயணங்களை தவிர்க்குமாறும் அதிகாரிகள் வழங்கும் எச்சரிக்கைகளைக் கவனமாகப் பின்பற்றுமாறும் கேட்டுக்கொள்ளப்பட்டுள்ளனர்.