தவறவிடாதீர்கள்..!உடனே பதிவு செய்யுங்கள்

எயிற்கின் ஸ்பென்ஸ் ஹோட்டல் மேலாண்மை நிறுவனம்   (Aitken Spence Institute of Hotel Management), உலகின் முன்னணி நிலையான பெண் அதிகாரமளிப்பு முயற்சி எனும் விருதினை  2025 ஆம் ஆண்டின் உலக நிலைத்த பயணம் மற்றும் விருந்தோம்பல் விருதில் (World Sustainable Travel & Hospitality Awards) தட்டிச்சென்றது! 

எயிற்கின் ஸ்பென்ஸ்  ஹோட்டல் மேலாண்மை நிறுவனம் (Aitken Spence Institute of Hotel Management),  உலக நிலையான பயணம் & விருந்தோம்பல் விருதுகள் -  World Sustainable Travel & Hospitality Awards விழாவில் - உலகின் முன்னணி நிலையான பெண் அதிகாரமளிப்பு முயற்சி -  “World’s Leading Sustainable Female Empowerment Initiative” என்ற பெருமைக்குரிய விருதைப் பெற்றுள்ளது.

எக்ஸ்போ சிட்டி துபாயின்  (Expo City Dubai) - டெர்ரா பாவிலியன்  (Terra Pavilion) மேடையில் வழங்கப்பட்ட இந்த விருது, விருந்தோம்பல் துறையின் எதிர்காலத்தை வடிவமைக்கக் கூடிய திறன்களும் தன்னம்பிக்கையும் கொண்ட இளம் தொழில்முனைவோரை உருவாக்கும் நோக்கில் நிறுவனம் மேற்கொண்டு வரும் இலட்சியப் பயணத்தில் பெற்ற ஒரு முக்கிய மைல்கல்லாகும்.

745-க்கும் மேற்பட்ட உலகளாவிய போட்டியாளர்களில் இருந்து, விரிவான மதிப்பீட்டின் மூலம், சர்வதேச மாணவர்கள் மற்றும் 20,000-க்கும் மேற்பட்ட நிபுணர்களின் வாக்குகள் மூலம் தேர்ந்தெடுக்கப்பட்ட இந்த விருது, பெண்கள் முன்னேற்றத்திற்கான நிறுவனத்தின் தொடர்ச்சியான அர்ப்பணிப்பின் வலிமையான சான்றாக திகழ்கிறது.

2007 இல் Aitken Spence நிறுவனத்தின் CSR முயற்சியாக தொடங்கப்பட்ட இந்த நிறுவனம், TUI Care அறக்கட்டளை (TUI Care Foundation) மற்றும் உலக நிலைத்தன்மை விருந்தோம்பல் கூட்டணி  (World Sustainable Hospitality Alliance)  உடன் இணைந்து, ஹெரிட்டன்ஸ் அஹுங்கல்ல (Heritance Ahungalla) மற்றும்  ஹெரிட்டன்ஸ் கந்தலம (Heritance Kandalama) போன்ற இடங்களில் அமைந்துள்ள பாடசாலைகளில் ,  உலகத் தரத்திலான தொழிற்பயிற்சிகளை வழங்குகிறது. உணவு மற்றும் பானம், ஹவுஸ்கீப்பிங் மற்றும் சமையல் பயிற்சிகளில், ஐந்து மாத தீவிர பாடத்திட்டம் மூலம் மாணவர்களுக்கு வகுப்பறை மற்றும் நிலையங்களில் நேரடி கற்றல் வாய்ப்புகள் வழங்கப்படுகின்றன.

இதுவரை 1,400-க்கும் மேற்பட்ட மாணவர்கள் இங்கு பயிற்சி பெற்று வருகின்றனர். குறிப்பாக, 2025ஆம் ஆண்டில்,  ஹெரிட்டன்ஸ் அஹுங்கல்லவில் (Heritance Ahungalla) 21 பெண்கள் முழுக்க பெண்கள் அடங்கும் ஒரு   குழுவாக பயிற்சி பெறுவது குறிப்பிடத்தக்க ஒரு   சாதனையாக அமைந்தது.

எயிற்கின் ஸ்பென்ஸ்  ஹோட்டல் (Aitken Spence Hotels) நிறுவனத் தலைவர் ஸ்டஷ்ஷானி ஜெயவர்தன, "இந்த அங்கீகாரம் அடுத்த தலைமுறை விருந்தோம்பல் தலைவர்களை வளர்ப்பதற்கான எங்கள் உறுதிப்பாட்டை மீண்டும் உறுதிப்படுத்துகிறது. எயிற்கின் ஸ்பென்ஸ் ஹோட்டல் மேலாண்மை நிறுவனம் நடைமுறை பயிற்சி மற்றும் நிஜ உலக நிபுணத்துவத்தைப் பயன்படுத்துகிறது, இளம் பெண்கள் மற்றும் ஆண்களை வெற்றிபெறச் செய்வதற்கான கருவிகளுடன் மேம்படுத்துகிறது. ஒன்றாக, இலங்கைக்கு ஒரு வலுவான, மிகவும் உள்ளடக்கிய மற்றும் எதிர்காலத்திற்குத் தயாராக உள்ள விருந்தோம்பல் துறையை நாங்கள் உருவாக்குகிறோம்" என்று கருத்து தெரிவித்தார் 

இந்த உலகளாவிய அங்கீகாரம், திறமை வளர்ப்பதிலிருந்து சமூக முன்னேற்றம் வரை – மனிதர்களை சக்திவாய்ந்தவர்களாக்கும் இடத்தில் தான் உண்மையான நிலைத்தன்மை தொடங்குகிறது என்பதை வலியுறுத்துகிறது.

எயிற்கின் ஸ்பென்ஸ்  ஹோட்டல் மேலாண்மை நிறுவனம்  (Aitken Spence Hotel  Management) பற்றிய தகவல்கள் 

ஹெரிட்டன்ஸ்  ஹோட்டேல்ஸ் அண்ட் ரிசோர்ட்ஸ் (Heritance Hotels and Resorts) என்பது இலங்கையின் முன்னணி ப்ளூ-சிப் கூட்டு நிறுவனமான எயிற்கின் ஸ்பென்ஸ்  ஹோட்டல்  (Aitken Spence Hotels) யின் ஒரு பகுதியான எயிற்கின் ஸ்பென்ஸ்  பிஎல்சி  (Aitken Spence PLC) யின் விளம்பர நாமமாகும் .  எயிற்கின் ஸ்பென்ஸ் ஹோட்டல்கள் (Aitken Spence HotelS)  இலங்கை, மாலத்தீவுகள், ஓமான் மற்றும் இந்தியா முழுவதும் உள்ள 18 ஹோட்டல்கள் மற்றும் ரிசார்ட்டுகளின் பல்வேறு தொகுப்பை,  ஹெரிட்டன்ஸ்  ஹோட்டேல்ஸ் அண்ட் ரிசோர்ட்ஸ் (Heritance Hotels and Resorts),  ஆதாரான் ஹோட்டேல்ஸ் அண்ட் ரிசோர்ட்ஸ்  (Adaaran Hotels & Resorts) மற்றும் துர்யா  (Turyaa) ஆகிய குறியீடுகள் மூலம் மேற்பார்வையிடுகிறது. இலங்கையில் புகழ்பெற்ற பாவாவின்-வடிவமைப்பைக் கொண்ட ஹோட்டல்களை கொண்டிருக்கும் இந்த தர அடையாளம், அதன் சிறப்புமிக்க கட்டிடக்கலை மற்றும் பாரம்பரியத்துடன் தனித்துவமான அனுபவங்களையும் வழங்குகிறது.