தவறவிடாதீர்கள்..!உடனே பதிவு செய்யுங்கள்

2029 ஆம் ஆண்டு இடம்பெறவுள்ள ஜனாதிபதித் தேர்தலுக்கு நாமல் ராஜபக்ச தயாராகி வருகின்றார். ஆனால் சஜித் பிரேமதாசவோ தனது எதிர்க்கட்சித் தலைமைத்துவத்தை தக்க வைப்பதற்கே பெரும்பாடு பட்டு வருகின்றார். நுகேகொட பேரணியை வைத்து தமிழ் முற்போக்குக் கூட்டணியின் தலைவர் மனோ கணேசன் எம்.பி பதிவிட்டிருந்த கருத்தும் சஜித் தரப்புக்கு சினத்தை வரவழைத்துள்ளது என்பது முக்கிய விடயம். நாமலை விட அதிகமான கூட்டத்தினரை அழைத்து வந்து  சஜித்தால் இப்படி ஒரு பேரணியை நடத்த முடியுமா என்றும், அப்படி அவர் நடத்தும் வரை நாமல் தான் எதிர்க்கட்சித் தலைவர் என்றும் மனோ கணேசன் எம்.பி தனது முகநூல் பக்கத்தில் பதிவிட்டிருந்தார். இத்தனைக்கும் பாராளுமன்றத் தேர்தலில் போட்டியிட்டு கொழும்பு மாவட்டத்தில் தோல்வியைத் தழுவியிருந்த மனோ கணேசனுக்கு தேசிய பட்டியல் வாய்ப்பை வழங்கியவர் சஜித் பிரேமதாச.