தவறவிடாதீர்கள்..!உடனே பதிவு செய்யுங்கள்

இந்திய சினிமாவின் புகழ்பெற்ற நடிகரும், பொலிவுட் தங்க யுகத்தின் முக்கிய முகங்களிலும் ஒருவருமான தர்மேந்திரா, உடல் நலக்குறைவு காரணமாக தனது 89 ஆவது வயதில் இன்று காலமானார்.

பல தசாப்தங்களுக்கு மேலாக ஹிந்தி திரைப்பட உலகில் ஆதிக்கம் செலுத்திய தர்மேந்திரா, ‘ஷோலே’, ‘யாவர்கோ’, ‘சத்யகாம்’, ‘சீதா அன் கீதா’ உள்ளிட்ட எண்ணற்ற மக்கள் மனதில் நிற்கும் படங்களில் நடித்திருந்தார். 

இந்திய சினிமாவில் “ஹீ-மேன்” எனப் பரவலாக அழைக்கப்பட்ட அவர், அதிரடி, காதல், நகைச்சுவை உள்ளிட்ட அனைத்து வகை கதாபாத்திரங்களிலும் தனித்துவம் காட்டியவர்.

திரையுலகத்தையும், ரசிகர்களையும் துயரத்தில் ஆழ்த்தும் வகையில் அவரது மறைவு பல பிரபலங்களாலும், அரசியல்வாதிகளாலும் அனுதாபத்துடன் நினைவுகூரப்பட்டுள்ளது.

தர்மேந்திராவின் மகன்கள் சன்னி டியோல், பாபி டியோல் ஆகியோரும் தந்தையின் பாரம்பரியத்தைத் தொடர்ந்து பொலிவுட்டில் முன்னணி நடிகர்களாக உள்ளனர்.

அவரது இறுதிச்சடங்கு தொடர்பான விவரங்கள் பின்னர் அறிவிக்கப்படும் என குடும்பத்தினர் தெரிவித்துள்ளனர்.