தவறவிடாதீர்கள்..!உடனே பதிவு செய்யுங்கள்

உலகம் முழுக்க எல்லா பருவ காலங்­க­ளிலும் கிடைக்கும் ஒரே பழம் எலு­மிச்­சைதான். நம் எல்­லோ­ரு­டைய சமை­ய­ல­றையில் இருக்கக் கூடிய ஒன்றும் கூட. அழகுப் பொருட்­களில் முக்­கிய பங்கு எலு­மிச்­சைக்கு உண்டு. எலு­மிச்­சையில் அதி­கப்­ப­டி­யான விற்ற­ மின்கள், தாதுப்­பொ­ருட்கள் மற்றும் நார்ச்­சத்­து­களும் இருப்­பதால், ஊட்டச் சத்து குறை­வில்­லாமல் கிடைக்கும்.

எலு­மிச்சைச் சாற்றில் உள்ள சத்­துக்­க­ளோடு ஒப்­பிட்டு பார்த்­தோ­மானால் அதன் தோளில்தான் விற்றமின் சி மற்றும் ஏ, பீட்டா கரோட்டின், கல்­சியம், மெக்­னீ­சியம், பொட்­டா­சியம், ஃபோலேட் போன்­றவை உள்­ளன. எது ஒன்­றையும் சுத்தம் செய்­வதில் இதன் தோல்தான் முத­லி­டத்தில் உள்­ளது. இதன் தோல் மிகவும் நறு­மணம் மிக்­க­தா­கவும், புத்­து­ணர்ச்சி அளிப்­ப­தா­கவும் உள்­ளது.

எலு­மிச்­சையின் தோலில் நம் சரு­மத்­திற்கு ஏற்ற அனைத்து நன்­மை­களும் உண்டு. அதன் தோலில் இருக்­கக்­கூ­டிய அமி­ல­மா­னது நம் சரு­மத்தை மிரு­து­வாக்கும். மேலும் பளிச் தோற்­றத்தை கொடுக்­க­வல்­லது. நம் சரு­மத்தில் உள்ள இறந்த செல்­களை அகற்றி புது செல்கள் வளரத் தூண்­டு­கி­றது. எலு­மிச்சை தோலை வெயிலில் உலர்த்தி நன்கு காய்ந்­த­வுடன் அதை பொடித்து அத்­துடன் தேன், சர்க்­கரை, ஆலிவ் எண்ணெய் சேர்த்தால் முகத்­திற்­கான ஸ்க்ரப் தயார்.

முகம் பிளீச் செய்­தாற்போல் மாறி­விடும். சூரியக் கதிர்­களால் ஏற்­பட்ட கரு­மையும் மறையும். எலு­மிச்சை தோலின் உட்­பு­றத்தில் உள்ள வெள்ளை தோலை நீக்­கி­விட்டு சிறு சிறு துண்­டு­க­ளாக நறுக்­கிக்­கொண்டு ஒரு டீஸ்பூன் அளவு எடுத்­துக்­கொள்ள வேண்டும். அதில் தேவை­யான அளவு வெந்நீர் ஊற்­றிக்­கொள்ள வேண்டும்.

10 நிமி­டங்­க­ளுக்கு பிறகு அதை வடி­கட்டி அத்­துடன் தேன் கலந்து பரு­கலாம். இந்த டீ நம் ஜீரண மண்­ட­லத்தை வலுப்­பெற செய்­கி­றது. மேலும் உடல் எடையைக் குறைக்க உதவும். உடலில் உள்ள ph அளவை சமன்­ப­டுத்­து­கி­றது. கல்­லீ­ர­லுக்கு புத்­து­ணர்ச்சி அளிக்­கி­றது. எதிர்ப்பு சக்­தியை அதி­கப்­ப­டுத்­து­கி­றது.

நகங்­களை 10 நிமி­டங்கள் வெது­வெ­துப்­பான நீரில் ஊற வைத்­தபின் எலு­மிச்சைத் தோலைக்­கொண்டு நகங்­களின் மேல் 30 விநா­டிகள் தேய்த்து பின் கழு­வி­விட வேண்டும். இது போல் 2 நாட்­க­ளுக்கு ஒரு­முறை செய்து வந்தால் நகங்­களில் உள்ள மஞ்சள் நிறம் மறைந்து விடும். இதேபோல் பற்­க­ளிலும் தேய்த்து வாய் கொப்­பு­ளித்து வந்தால் பற்­களின் மஞ்சள் நிறம் நாள­டைவில் மறைந்து வெண்மை புன்­ன­கையைப் பெறலாம்.

எலு­மிச்சைத் தோலை துருவி ஸ்பிரேயர் உள்ளே போடவும். அத்­துடன் ஒயிட் வினிகர் சேர்க்க வேண்டும்.நல்ல வெளிச்சம் உள்ள இடத்தில் 2 வாரம் வைக்க வேண்டும். கிரானைட் மற்றும் மார்பில் தவிர அனைத்து இடத்திலும் இதனை சுத்தம் செய்யும் கலவையாக பயன்படுத்தலாம். வீட்டில் எறும்பு, கரப்பான் தொல்லை இருந்தால் எலுமிச்சை தோலை நறுக்கி வைத்தால் போதும்.