தவறவிடாதீர்கள்..!உடனே பதிவு செய்யுங்கள்

உலக தமிழர்கள் - தமிழ் சினிமா-  தமிழக அரசியல்- என பல தலங்களில் தவிர்க்க முடியாத சக்தியாக ஜொலிக்கும் தளபதி விஜய் நடிப்பில் தயாராகி இருக்கும் 'ஜன நாயகன் 'எனும் திரைப்படத்தில் இடம்பெற்ற 'எங்க அண்ணன் கச்சேரி..' எனத் தொடங்கும் முதல் பாடலும், பாடலுக்கான லிரிக்கல் விடியோவும் வெளியிடப்பட்ட குறுகிய கால அவகாசத்திற்குள் ஒரு மில்லியனுக்கும் மேற்பட்ட 'லைக்கு'களையும், பன்னிரண்டு மில்லியனுக்கும் மேற்பட்ட பார்வையாளர்களால் பார்வையிடப்பட்டும் சாதனை படைத்து வருகிறது.

இயக்குநர் ஹெச். வினோத் இயக்கத்தில் உருவாகியுள்ள 'ஜன நாயகன் 'எனும் திரைப்படத்தில் விஜய், பூஜா ஹெக்டே, மமிதா பைஜு ,கௌதம் வாசுதேவ் மேனன், பிரகாஷ் ராஜ், பிரியாமணி, நரேன் உள்ளிட்ட பலர் நடித்திருக்கிறார்கள். சத்யன் சூரியன் ஒளிப்பதிவு செய்திருக்கும் இந்த திரைப்படத்திற்கு அனிருத் இசையமைத்திருக்கிறார். கொமர்சல் என்டர்டெய்னராக தயாராகி இருக்கும் இந்த திரைப்படத்தை கே வி என் புரொடக்ஷன்ஸ் நிறுவனம் சார்பில் தயாரிப்பாளர் வெங்கட் கே. நாராயணா தயாரித்திருக்கிறார்.

அடுத்த ஆண்டு ஜனவரி மாதம் ஒன்பதாம் திகதியன்று உலகம் முழுவதும் பட மாளிகையில் வெளியாகும் என அறிவிக்கப்பட்டிருக்கும் இந்த திரைப்படத்தில் இடம் பெற்ற 'எங்கண்ணன் கச்சேரி..' எனத் தொடங்கும் முதல் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது. இந்த பாடலை பாடலாசிரியர் அறிவு எழுத, பின்னணி பாடகர்களான அனிருத் - விஜய் - அறிவு - ஆகியோர் இணைந்து பாடி இருக்கிறார்கள். டி சீரிஸ் நிறுவனம் வெளியிட்டிருக்கும் இந்தப் பாடல் இணையத்தில் வெளியான குறுகிய கால அவகாசத்திற்குள் மில்லியன் கணக்கிலான பார்வையாளர்களால் பார்வையிடப்பட்டும், 'லைக்கு'கள் பெற்றும் சாதனை படைத்து வருகிறது. அனிருத்தின் வழக்கமான உற்சாகத்துடன் கூடிய துள்ளல் இசை பாணியில் வெளியாகி இருக்கும் இந்தப் பாடலும்... பாடலுக்காக அனிருத்- அறிவு -விஜயின் குரலும்... பாடலுக்கான உள்ளடக்க பொருளும்... ரசிகர்களை கொண்டாட வைத்துக் கொண்டிருக்கிறது.