தவறவிடாதீர்கள்..!உடனே பதிவு செய்யுங்கள்

தமிழ் திரையுலகில் கதையின் நாயகனாக அறிமுகமாகும் புதுமுக நடிகர் எல் என் டி யதீஷ் நடிக்கும் '‌கைமேரா' எனும் திரைப்படத்தில் இடம்பெற்ற, 'இது என்ன மாயம்..' எனும் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் மாணிக் ஜெய். என் இயக்கத்தில் உருவாகி வரும் ' கைமேரா' எனும் திரைப்படத்தில் எல்என்டி யதீஷ் , சௌமியா, ரஞ்சித் குமார் , தாரை கிருஷ்ணன், கிருஷ்ணா நந்து,  ஞானேஸ்வரி,  இசக்கி பாண்டியன்,  ஆரத்தி ,சுனில் உள்ளிட்ட பலர் நடித்திருக்கிறார்கள். வினோத்குமார் ஒளிப்பதிவு செய்திருக்கும் இந்த திரைப்படத்திற்கு விக்னேஷ் ராஜா இசையமைத்திருக்கிறார். திரில்லராக தயாராகி இருக்கும் இந்த திரைப்படத்தை ஜெய் ருத்ரா பிக்சர்ஸ் நிறுவனம் சார்பில் இயக்குநர் மாணிக் ஜெய் தயாரித்திருக்கிறார்.

இந்தப் படத்தின் முன்னோட்டம் வெளியாகி பார்வையாளர்களின் வரவேற்பை பெற்று வரும் நிலையில்... இப்படத்தில் இடம்பெற்ற 'இது என்ன என்னவொரு மாயமோ..' எனத் தொடங்கும் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது. இந்தப் பாடலை பாடலாசிரியர் கவி காரக்கோ எழுத, பின்னணி பாடகி அனுராதா பட் பாடியிருக்கிறார். காதலில் விழுந்த பெண்ணின் உணர்வுகளை மையப்படுத்தி மெல்லிசையுடன் வெளியாகி இருக்கும் இந்த பாடல்.. அனைத்து தரப்பு இசை ரசிகைகளின் விருப்பத்திற்குரிய பாடலின் பட்டியலில் இடம் பிடித்திருக்கிறது.