தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

கொழும்பு சுகததாச உள்ளக அரங்கில் நடைபெற்ற மத்திய ஆசிய கரப்பந்தாட்ட சங்க CAVA)19 வயதுக்குட்பட்ட பெண்களுக்கான கரப்பந்தாட்டப் போட்டியில் வெண்கலப் பதக்கத்தை இலங்கை வென்றெடுத்தது.

லீக் சுற்றில் மாலைதீவுகள், கிர்கிஸ்தான் ஆகிய அணிகளை தலா 3 நேர் செட்களில் இலங்கை வெற்றிகொண்டபோதிலும் நேபாளத்திடம் (0 - 3 என்ற செட்கள்) தோல்வி அடைந்தது.

தொடர்ந்து நடைபெற்ற அரை இறுதிப் போட்டியில் கிர்கிஸ்தானிடம் தோல்வி அடைந்த இலங்கை 3ஆம் இடத்தைத் தீர்மானிக்கும் போட்டியில் மாலைதீவுகளை 3 நேர் செட்களில் (25 - 6, 25 - 11, 25 - 10) வெற்றிகொண்டு வெண்கலப் பதக்கதைத் தனதாக்கிக்கொண்டது.

சம்பியனைத் தீர்மானிக்கும் இறுதிப் போட்டியில் நேபாளத்திடம் கடும் சவாலை எதிர்கொண்ட கிர்கிஸ்தான் 3 - 2 என்ற செட்கள் வித்தியாசத்தில் (22 - 25, 25 - 20, 25 - 21, 13 - 25, 15 - 11) வெற்றிபெற்று தங்கப் பதக்கத்தை சுவீகரித்தது.

கடந்த 4ஆம் திகதி ஆரம்பமான மத்திய ஆசிய   கரப்பந்தாட்ட சங்க (Central Asia Volleyball Association - CAVA) 19 வயதுக்குட்பட்ட பெண்களுக்கான கரப்பந்தாட்ட போட்டி ஞாயிற்றுக்கிழமை (09) முடிவடைந்தது.

மத்திய ஆசிய கரபந்தாட்ட சங்கத்தின் அழைப்பின்பேரில் இலங்கை கரப்பந்தாட்ட சம்மேளனம் இப் போட்டியை நடத்தியது.