தவறவிடாதீர்கள்..!உடனே பதிவு செய்யுங்கள்

தெற்கு பிரேசிலிய மாநிலமான பரானாவில் பலத்த காற்று மற்றும் கடும் மழையுடன் கூடிய சூறாவளி தாக்கியதில் ஆறு பேர் உயிரிழந்துள்ளனர்.

ரியோ போனிடோ டோ இகுவாசு நகரம் வெள்ளிக்கிழமை சூறாவளியினால் கடுமையாக பாதிக்கப்பட்டுள்ளது. நகர்ப்புறப் பகுதியில் அரைவாசிக்கும் மேற்பட்ட பகுதிகளில் கூரை இடிந்து விழுந்ததாகவும், பல கட்டமைப்பு குறைபாடுகள் ஏற்பட்டதாகவும் மாநில சிவில் பாதுகாப்பு நிறுவனம் தெரிவித்துள்ளது.

437 பேர் காயமடைந்து சிகிச்சை பெறுவதாகவும், சுமார் 1,000 பேர் இடம்பெயர்ந்துள்ளதாகவும் அதிகாரிகள் தெரிவித்தனர். அருகிலுள்ள குவாரபுவா நகரமும் பாதிக்கப்பட்டுள்ளது.

சூறாவளியினால் காற்று மணிக்கு 180 கிலோ மீற்றர் (111 மைல்) முதல் 250 கிலோ மீற்றர் (155 மைல்) வேகத்துக்கு வீசியுள்ளதாக பரானா வானிலை மற்றும் சுற்றுச்சூழல் கண்காணிப்பு அமைப்பு தெரிவித்துள்ளது.

பாதிக்கப்பட்டவர்களின் குடும்பங்களுக்கு இரங்கல். பரானா மக்களுக்கு நாங்கள் தொடர்ந்து உதவுவோம், தேவையான அனைத்து உதவிகளையும் வழங்குவோம் என ஜனாதிபதி லூயிஸ் இனாசியோ லுலா டா சில்வா தெரிவித்துள்ளார்.