தவறவிடாதீர்கள்..!உடனே பதிவு செய்யுங்கள்

வெலிகந்த பொலிஸ் பிரிவிற்குட்பட்ட அசேலபுர பகுதியில், உழவு இயந்திரம் வீதியைக் கடக்க முற்பட்ட சிறுவன் மீது மோதி விபத்துக்குள்ளானதில் சிறுவன் உயிரிழந்துள்ளார்.

இந்த சம்பவம் நேற்று சனிக்கிழமை (08) மாலை இடம்பெற்றுள்ளது.

விபத்தின்போது காயமடைந்த சிறுவன், வெலிகந்த வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார்.

உயிரிழந்தவர் அசேலபுர பகுதியைச் சேர்ந்த 8 வயது சிறுவன் என பொலிஸார் தெரிவித்துள்ளனர்.

சடலம் வெலிகந்த வைத்தியசாலையில் வைக்கப்பட்டுள்ளதுடன், விபத்துடன் தொடர்புடைய உழவு இயந்திரத்தின் சாரதி கைது செய்யப்பட்டுள்ளார். 

இந்த சம்பவம் தொடர்பான மேலதிக விசாரணைகளை வெலிகந்த பொலிஸார் மேற்கொண்டு வருகின்றனர்.