தவறவிடாதீர்கள்..!உடனே பதிவு செய்யுங்கள்

2025 ஆம் ஆண்டின் நவம்பர் மாதத்தின் முதல் ஐந்து நாட்களில் 32,815 சுற்றுலாப் பயணிகள் நாட்டுக்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.

நவம்பர்  மாதத்தின் முதல் ஐந்து நாட்களில் அதிகளவான சுற்றுலாப் பயணிகள் இந்தியாவிலிருந்து வருகை தந்துள்ள நிலையில் அவர்களின் மொத்த எண்ணிக்கை 7,830 ஆகும்.

அத்துடன், ரஷ்யாவிலிருற்து 4,421 சுற்றுலாப் பயணிகளும்,  ஜெர்மனியிலிருந்து 2,674 சுற்றுலாப் பயணிகளும், ஐக்கிய இராச்சியத்திலிருந்து 2,340 சுற்றுலாப் பயணிகளும், அவுஸ்திரேலியாவிலிருந்து 1,325 சுற்றுலாப் பயணிகளும், பிரான்ஸிலிருந்து 1,214 சுற்றுலாப் பயணிகளும், சீனாவிலிருந்து 1,165 சுற்றுலாப் பயணிகளும் நாட்டுக்கு வருகை தந்துள்ளனர்.

அதன்படி, 2025 ஆம் ஆண்டின் ஜனவரி மாதம் முதலாம் திகதியில் இருந்து நவம்பர்  மாதம் 05  ஆம் திகதி வரையான காலப்பகுதிக்குள் 19 இலட்சத்து 23 ஆயிரத்து 502 சுற்றுலாப் பயணிகள் நாட்டுக்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை மேலும் தெரிவித்துள்ளது.