தவறவிடாதீர்கள்..!உடனே பதிவு செய்யுங்கள்

போதைப்பொருள் கடத்தல்காரரான “மஹரகம அக்கா” என்று அழைக்கப்படும் பெண் ஒருவர் நுவரெலியா பொலிஸ் ஊழல் தடுப்பு பிரிவினரால் கைதுசெய்யப்பட்டுள்ளார்.

நுவரெலியா பொலிஸ் ஊழல் தடுப்பு பிரிவினருக்கு கிடைத்த தகவலின் பேரில் ஹங்வெல்ல பிரதேசத்தில் உள்ள வீடொன்றில் மேற்கொள்ளப்பட்ட சுற்றிவளைப்பில் சந்தேக நபரான பெண் கைதுசெய்யப்பட்டுள்ளார்.

கைதுசெய்யப்பட்டவர் 50 வயதுடைய பெண் ஆவார்.

இவர் நுவரெலியா , வெலிமடை, பண்டாரவளை மற்றும் கெப்பெத்திபொல ஆகிய பிரதேசங்களில் நீண்ட நாட்களாக போதைப்பொருளை கடத்தல்களில் ஈடுபட்டு வந்துள்ளதாக பொலிஸ் விசாரணையில் தெரியவந்துள்ளது

சந்தேக நபரின் வீட்டிலிருந்து 32 கிராம் ஹெரோயின் மற்றும் போதைப்பொருள் விற்பனை மூலம் சம்பாதித்த 141,000 ரூபாய் பணம் என்பன பொலிஸாரால் கைப்பற்றப்பட்டுள்ளன.

இது தொடர்பில் நுவரெலியா பொலிஸ் ஊழல் தடுப்பு பிரிவினர் விசாரணைகளை மேற்கொண்டு வருகின்றனர்.