தவறவிடாதீர்கள்..!உடனே பதிவு செய்யுங்கள்

நுவரெலியா - ஹட்டன் பிரதான வீதியில் நானுஓயா குறுக்கு வீதி சந்தியில் பாடசாலை மாணவர்களை ஏற்றிச்சென்ற வேன், லொறியில் மோதி விபத்துக்குள்ளானதில் இரண்டு மாணவர்கள் உட்பட மூவர் காயமடைந்துள்ளனர்.

இன்று (7) பிற்பகல் இடம்பெற்ற இவ்விபத்து தொடர்பில் மேலும் தெரியவருகையில்,

 நானுஓயா ரதல்ல குறுக்கு வீதியிலிருந்து டெஸ்போட் நோக்கி பாடசாலை மாணவர்களை ஏற்றிச் சென்ற வேனுடன் நானுஓயா பிரதான நகரில் இருந்து எதிர்த்திசையில் பயணித்த லொறி மோதியதால் இவ்விபத்து ஏற்பட்டுள்ளது.

இந்த விபத்தில் பாடசாலை மாணவர்கள் இருவரும் பெற்றோரில் ஒருவரும் என 3 பேர் காயமடைந்த நிலையில் நானுஓயா  ஆரம்ப பிரிவு வைத்தியசாலையில் அனுமதிக்கப்பட்டனர். பின்னர், அவர்களில் ஒருவர் மேலதிக சிகிச்சைக்காக நுவரெலியா மாவட்ட பொது  வைத்தியசாலைக்கு மாற்றப்பட்டார். 

லொறி சாரதியின் கவனக்குறைவினால் இவ்விபத்து சம்பவித்திருக்கலாம் என தெரிவித்த நானுஓயா பொலிஸார் லொறியின் சாரதியை கைது செய்து மேலதிக விசாரணைகளில் ஈடுபட்டு வருகின்றனர்.