தவறவிடாதீர்கள்..!உடனே பதிவு செய்யுங்கள்

பெருந்தோட்ட மக்களுக்கு உழைப்புக்கேற்ப ஊதியம் கிடைக்க வேண்டும் என்பது எமது கொள்கை என ஜனாதிபதி அநுர குமார திசாநாயக்க தெரிவித்தார்.

2026 ஆம் ஆண்டுக்கான வரவு - செலவுத் திட்ட முன்மொழிவு பாராளுமன்றத்தில் இன்று வெள்ளிக்கிழமை (07) சமர்ப்பிக்கப்பட்ட போது நிதி அமைச்சரும் ஜனாதிபதியுமான அநுர குமார திசாநாயக்க  இதனை தெரிவித்தார்.

அவர் மேலும் தெரிவிக்கையில், 

பெருந்தோட்ட மக்களுக்கு தற்போது வழங்கப்படும் 1,350 ரூபா, 2026 ஆம் ஆண்டு ஜனவரி மாதம் முதல் 1550 ரூபா வரை அதிகரிக்க பரிந்துரைக்கப்பட்டுள்ளது.

பெருந்தோட்ட தொழிலாளர்களுக்கு 1,550 ரூபாய் மேலதிகமாக, அரசால் வருகை ஊக்குவிப்பு தொகையாக 200 ரூபாய் வழங்க பரிந்துரைக்கப்பட்டுள்ளது. பெருந்தோட்ட தொழிலாளர்களுக்கு  1750 ரூபாய் சம்பளம் கிடைக்கப்பெறும்.

பெருந்தோட்ட நிறுவனங்களுடனான ஒப்பந்தம் 2041 ஆம் ஆண்டுக்கு பின்னர் நீடிக்கப்படமாட்டாது எனத் தெரிவித்துள்ளார்.