தவறவிடாதீர்கள்..!உடனே பதிவு செய்யுங்கள்

முன்னணி நட்சத்திர நடிகையான கீர்த்தி சுரேஷ் கதையின் நாயகியாக நடித்திருக்கும் ' தோட்டம் - தி டிமோன் ரிவீல்ட் ' எனும் திரைப்படத்தின் டைட்டிலும், டைட்டிலுக்கான பிரத்யேக காணொளியும்  வெளியிடப்பட்டிருக்கிறது.

இயக்குநர் ரிஷி சிவக்குமார் இயக்கத்தில் உருவாகும் ' தோட்டம் - தி டிமோன் ரிவீல்ட் ' எனும் திரைப்படத்தில் கீர்த்தி சுரேஷ் - அண்டனி வர்கீஸ் ஆகியோர் முதன்மையான கதாபாத்திரங்களில் நடிக்கிறார்கள். ஜோர்ஜ் சி. வில்லியம்ஸ் ஒளிப்பதிவு செய்யும் இந்த திரைப்படத்திற்கு ஹர்ஷவர்தன் ராமேஸ்வர இசையமைக்கிறார்.

அதிரடி எக்சன் திரில்லராக தயாராகும் இந்த திரைப்படத்தை ஃபர்ஸ்ட் பேஜ் என்டர்டெய்ன்மென்ட்ஸ்-  ஏ வி ஏ புரொடக்ஷன்ஸ் - மார்கா என்டர்டெய்னர்ஸ் ஆகிய நிறுவனங்கள் சார்பில் தயாரிப்பாளர்கள் மோனு பழேதத் - ஏ வி அனூப்- நாவல் விந்தியன்-  சிம்மி ராஜீவன் ஆகியோர் இணைந்து தயாரிக்கிறார்கள்.

சர்வதேச அளவில் புகழ்பெற்ற சண்டை பயிற்சி இயக்குநர்களின் பங்களிப்புடன் பிரம்மாண்டமான காட்சி அமைப்புடன் தயாராகும் இந்த திரைப்படத்தை பற்றிய டைட்டிலை அறிவிப்பதற்காக படக்குழுவினர் பிரத்யேக காணொளி ஒன்றை வெளியிட்டுள்ளனர். இந்த காணொளி ரசிகர்களை வெகுவாக கவர்ந்திருக்கிறது.