தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

கொழும்பு சுகததாச உள்ளக அரங்கில் நடைபெற்றுவரும் மத்திய ஆசிய கரப்பந்தாட்ட சங்க (CAVA) 19 வயதுக்குட்பட்ட பெண்களுக்கான கரப்பந்தாட்ட சம்பியன்ஷிப்பில் நேபாளத்திடம் இலங்கை தோல்வி அடைந்தது.

புதன்கிழமை மாலை நடைபெற்ற போட்டியில் 1 - 3 என்ற செட்கள் வித்தியாசத்தில் இலங்கை தோல்வியைத் தழுவியது.

முதல் இரண்டு செட்களில் 18 - 25, 24 - 26 என்ற புள்ளிகள் கணக்கில் நேபாளத்திடம் தோல்வி அடைந்த இலங்கை, 3ஆவது செட்டில்  திறமையாக விளையாடி 25 - 19 என்ற புள்ளிகள் கணக்கில் வெற்றிபெற்றது.

ஆனால், 4ஆவது செட்டில் அநாவசியமாக தவறுகளை இழைத்ததால் இலங்கை 20 - 25 என தோல்வி அடைந்தது.

இப் போட்டிக்கு முன்பதாக நடைபெற்ற கிர்கிஸ்தானுக்கும் மாலைதீவுகளுக்கும் இடையிலான போட்டியில் கிர்கிஸ்தான் மிக இலகுவாக 3 நேர் செட்களில் (25 - 21, 25 - 9, 25 - 21) வெற்றிபெற்றது.

போட்டியின் மூன்றாம் நாளான இன்று கிர்கிஸ்தானை இலங்கை எதிர்த்தாடவுள்ளது. மற்றைய போட்டியில் நெபாளமும் மாலைதீவுகளும் ஒன்றையொன்று எதிர்த்தாடவுள்ளன.