தவறவிடாதீர்கள்..!உடனே பதிவு செய்யுங்கள்

கொழும்பில் முல்லேரியா பொலிஸ் பிரிவுக்கு உட்பட்ட பாரொன் ஜயதிலக மாவத்தை பகுதியில் ஆயுதங்கள் மற்றும் போதைப்பொருளுடன் சந்தேக நபர் ஒருவர் மேல்மாகாண தெற்கு பொலிஸ் குற்றத் தடுப்பு பிரிவினரால் நேற்று செவ்வாய்க்கிழமை (04) கைதுசெய்யப்பட்டுள்ளார்.

மேல்மாகாண தெற்கு பொலிஸ் குற்றத் தடுப்பு பிரிவினருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைதுசெய்யப்பட்டுள்ளார்.

கைதுசெய்யப்பட்டவர் வேபட பகுதியில் வசிக்கும் 43 வயதுடையவர் ஆவார்.

சந்தேக நபரிடமிருந்து பிஸ்டல் ரக துப்பாக்கி, 9 தோட்டாக்கள் மற்றும் 12 கிராம் 380 மில்லி கிராம் ஐஸ் போதைப்பொருள் என்பன பொலிஸாரால் கைப்பற்றப்பட்டுள்ளன.

இது தொடர்பான மேலதிக விசாரணைகளை மேல்மாகாண தெற்கு பொலிஸ் குற்றத் தடுப்பு பிரிவினர் மேற்கொண்டு வருகின்றனர்.