தவறவிடாதீர்கள்..!உடனே பதிவு செய்யுங்கள்

களுத்துறையில் மொரகஹஹேன பொலிஸ் பிரிவிற்கு உட்பட்ட ஹொரணை - பாதுக்கை வீதியில் நேற்று திங்கட்கிழமை (03) இடம்பெற்ற விபத்தில் ஒருவர் உயிரிழந்துள்ளதாக மொரகஹஹேன பொலிஸார் தெரிவித்துள்ளனர்.

ஹொரணையில் இருந்து பாதுக்கை நோக்கிப் பயணித்த  முச்சக்கர வண்டி கட்டுப்பாட்டை இழந்து வீதியில் கவிழ்ந்து எதிர்திசையில் வந்த காருடன் மோதியதில் இந்த விபத்து நேர்ந்துள்ளது. 

விபத்தில் காயமடைந்த முச்சக்கரவண்டியின் சாரதி, சிகிச்சைகளுக்காக ஹொரணை வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

விபத்தில் உயிரிழந்தவர் பொரலஸ்கமுவ பகுதியை சேர்ந்த 44 வயதுடையவர் என பொலிஸார் தெரிவித்துள்ளனர்.

விபத்துடன் தொடர்புடைய காரின் சாரதி பொலிஸாரால் கைது செய்யப்பட்டுள்ளார்.

மொரகஹஹேன பொலிஸார் மேலதிக விசாரணைகளை மேற்கொண்டு வருகின்றனர்.