தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

கலம்போ கிரிக்கெட் கழக மைதானத்தில் வார இறுதியில் நடைபெற்ற மிகவும் பரபரப்பான Singer - MCA ரி20 லீக் கிரிக்கட் இறுதிப் போட்டியில் சிடிபி ஏ அணியை 5 ஓட்டங்களால்  வெற்றிகொண்ட ஹேலிஸ் குழுமம் ஏ அணி சம்பியனானது.

இறுதிப் போட்டியில் முதலில் துடுப்பெடுத்தாட அழைக்கப்பட்ட ஹேலிஸ் குழுமம் ஏ அணி 19.3 ஓவர்களில் சகல விக்கெட்களையும் இழந்து 127 ஓட்டங்களைப் பெற்றது.

இதில் சதீர சமரவிக்ரம 33 ஓட்டங்களையும் ரமேஷ் மெண்டிஸ் 29 ஓட்டங்களையும் நிஷான் மதுஷ்க 27 ஓட்டங்களையும் பெற்றனர்.

பந்துவீச்சில் இசித்த விஜேசுந்தர 24 ஓட்டங்களுக்கு 4 விக்கெட்களையும் துனித் வெல்லாலகே 17 ஓட்டங்களுக்கு 2 விக்கெட்களையும் கைப்பற்றினர்.

127 ஓட்டங்கள் என்ற சுமாரான வெற்றி இலக்கை நோக்கி பதிலுக்கு துடுப்பெடுத்தாடிய சிடிபி ஏ அணி 19.5 ஓவர்களில் சகல விக்கெட்களையும் இழந்து 122 ஓட்டங்களைப் பெற்று தோல்வி அடைந்தது.

இதில் ஷெவன் டெனியல் 48 ஓட்டங்களைப் பெற்றார்.

பந்துவீச்சில் ரமேஷ் மெண்டிஸ் 21 ஓட்டங்களுக்கு 3 விக்கெட்களையும் ரவிந்து பெர்னாண்டோ 24 ஓட்டங்களுக்கு 3 விக்கெட்களையும் கைப்பற்றினார்.

சுற்றுப் போட்டியில் 12 விக்கெட்களைக் கைப்பற்றிய தானுக்க தாபரே (பெயாபெர்ஸ்ட் இன்சூரன்ஸ்) சிறந்த பந்துவீச்சாளர் விருதை வென்றெடுத்தார்.

131 ஓட்டங்களை மொத்தமாக பெற்ற தரிந்த நிர்மல் (டேவிட் பீரிஸ் குறூப் ஒவ் கம்பனீஸ்) அதிசிறந்த துடுப்பாட்ட வீரர் விருதை வென்றெடுத்தார்.

துடுப்பாட்டத்தில் 99 ஓட்டங்களைப் பெற்றதுடன் பந்துவீச்சில் 12 விக்கெட்களைக் கைப்பற்றிய  தானுக்க தாபரே (பெயாபெர்ஸ்ட் இன்சூரன்ஸ்) தொடர் நாயகன் விருதை வென்றெடுத்தார்.

இறுதிப் போட்டி நாயகனாக ரமேஷ் மெண்டிஸ் தெரிவானார்.