தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

இந்தூர் ஹொல்கார் விளையாட்டரங்கில் நடைபெற்றுவரும் அவுஸ்திரேலியாவுக்கு எதிரான ஐசிசி மகளிர் உலகக் கிண்ண கிரிக்கெட் போட்டியில் முதலில் துடுப்பெடுத்தாடிய இங்கிலாந்து 50 ஓவர்களில் 9 விக்கெட்களை இழந்து 144 ஓட்டங்களைப் பெற்றது.

போட்டியின் 40ஆவது ஓவரில் இங்கிலாந்து  அதன்  6ஆவது விக்கெட்டை இழந்தபோது  மொத்த எண்ணிக்கை 166 ஓட்டங்களாக இருந்தது.

எனினும் மத்திய வரிசை வீராங்கனைகளின் சிறந்த பங்களிப்புடன் இங்கிலாந்து கௌரவமான மொத்த எண்ணிக்கையைப் பெற்றது.

முன்வரிசையில் டமி போமொன்ட் நிதானத்துடன் 105 பந்துகளை எதிர்கொண்டு 10 பவுண்டறிகள், ஒரு சிக்ஸ் உட்பட 78 ஓட்டங்களைப் பெற்றார்.

அவரைவிட அமி ஜோன்ஸ் (18) ஹீதர் நைட் (20), சொஃபியா டன்க்லி (22), அலிஸ் கெப்சி (38), சார்லி டீன் (26) சொஃபி எக்லஸ்டோன் (10 ஆ.இ.) ஆகியோர் இரட்டை இலக்க எண்ணிக்கைகளைப் பெற்றனர்.

245 ஓட்டங்களை வெற்றி இலக்காகக் கொண்டு அவுஸ்திரேலியா துடுப்பெடுத்தாடவுள்ளது.

இந்த வருட மகளிர் உலகக் கிண்ணப் போட்டியில் அவுஸ்திரேலியாவும் இங்கிலாந்தும் மாத்திரமே தோல்வி அடையாத அணிகளாக இருக்கின்றன.