தவறவிடாதீர்கள்..!உடனே பதிவு செய்யுங்கள்

வாழைச்சேனை - காவத்தமுனை பகுதியில், முச்சக்கர வண்டி, வீதியோரத்தில் நிறுத்தப்பட்டிருந்த உழவு இயந்திரத்துடன் மோதி விபத்துக்குள்ளானதில், முச்சக்கர வண்டியின் பின் இருக்கையில் பயணித்த சிறுவன் பலத்த காயமடைந்து வாழைச்சேனை வைத்தியசாலையில் அனுமதிக்கப்பட்ட நிலையில் உயிரிழந்துள்ளார்.

காவத்தமுனை பகுதியைச் சேர்ந்த 09 வயதுடைய சிறுவனே சம்பவத்தில் உயிரிழந்துள்ளார்.

பிரேத பரிசோதனைக்குப் பின்னர் சடலம் உறவினர்களிடம் ஒப்படைக்கப்பட்டுள்ளது.

சம்பவத்துடன் தொடர்புடைய முச்சக்கர வண்டியின் சாரதி கைது செய்யப்பட்டுள்ளதுடன், வாழைச்சேனை பொலிஸார் மேலதிக விசாரணைகளை மேற்கொண்டு வருகின்றனர்.

இதேவேளை, மிஹிந்தலை - சீப்புகுளம்-கலென்பிந்துவெவ வீதியின் பலுவெவ பகுதியில் மோட்டார் சைக்கிள், வீதியோரத்தில் நிறுத்தப்பட்டிருந்த வாகனத்துடன் மோதி விபத்துக்குள்ளாகியுள்ளது.

இந்த விபத்தில் பலத்த காயமடைந்த மோட்டார் சைக்கிள் ஓட்டுநர் தம்மன்னாவ வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.

மிஹிந்தலை, சீப்புகுளத்தைச் சேர்ந்த 43 வயதுடையவரே சம்பவத்தில் உயிரிழந்துள்ளதாக தெரியவந்துள்ளது.

சடலம் தம்மன்னாவ வைத்தியசாலையின் பிரேத அறையில் வைக்கப்பட்டுள்ளது.

சம்பவத்துடன் தொடர்புடைய வண்டியின் சாரதி தப்பிச் சென்றுள்ளதாக தெரிவிக்கப்படுகிறது.

சந்தேக நபரை கைது செய்ய மிஹிந்தலை பொலிஸார் மேலதிக விசாரணைகளை மேற்கொண்டு வருகின்றனர்.