தவறவிடாதீர்கள்..!உடனே பதிவு செய்யுங்கள்

தீபாவளி என்பது ஒளியின் திருவிழா மட்டுமல்ல; அது மனித மனதின் ஆழ்ந்த உளவியல் அனுபவமாகவும், சமூக ஒற்றுமையின் சின்னமாகவும், ஆன்மீக விழிப்புணர்வின் விளக்காகவும் திகழ்கிறது. இந்தியாவிலும் இலங்கையிலும் மட்டுமின்றி உலகம் முழுவதும் வாழும் இந்துக்கள், ஜைனர்கள், சீக்குகள் மற்றும் பல்வேறு சமுதாயங்கள் இதனை மகிழ்வுடன் கொண்டாடுகின்றனர். தீபாவளி என்பது இருளை வென்ற வெளிச்சம், தீமையை வென்ற நன்மை, துயரத்தை வென்ற நம்பிக்கை என்ற மனித உள்ளத்தின் அடிப்படை போராட்டத்தை பிரதிபலிக்கும் திருநாளாகும். உளவியலின் (Psychology) கோணத்தில் பார்த்தால், தீபாவளி ஒரு சமூக சிகிச்சையாகவும், மன அமைதியை ஏற்படுத்தும் ஆழ்ந்த உளவியல் நிகழ்வாகவும் பார்க்கப்படுகிறது.

தீபாவளி விழாவின் பின்னணி புராணம்

கிருஷ்ண பரமாத்மா நரகாசுரனை வதம் செய்த நாளை அடிப்படையாகக் கொண்டது. அதன் அடையாளமாக மக்கள் வீடுகள் முழுவதும் தீபங்கள் ஏற்றினர்; அந்த வெளிச்சம் இன்று வரை மனித மனத்தின் உள் இருளை ஒளியாக்கும் சின்னமாக திகழ்கிறது. உளவியலின் அடிப்படையில், இது “கதாசிஸ் அனுபவம்” எனப்படும் – அதாவது மனத்தில் அடங்கிய துயரங்கள், பயங்கள், இருள்கள் எல்லாம் ஒரு வெளிப்படையான ஆனந்த அனுபவத்தின் மூலம் வெளியேறி மனம் புது வெளிச்சத்தை அடைகிறது. இதுவே தீபாவளி விழாவின் உளவியல் வலிமை.

மனித மனம் வெளிச்சத்தையும், சுத்தத்தையும் சின்னங்களாக எடுத்துக்கொள்கிறது.தீபாவளி காலத்தில் மக்கள் வீடுகளை சுத்தம் செய்வது, புதிய உடைகள் அணிவது, எண்ணெய் குளியல் செய்வது போன்ற பழக்கவழக்கங்கள் அனைத்தும் உடல் மட்டுமல்ல, மனதையும் சுத்திகரிக்க உதவுகின்றன. Psychology-யின் “Symbolic Cleansing” என்ற கோட்பாடு இங்கு பொருந்துகிறது — வெளிப்புற சுத்தம் உள் மனதின் சுத்தத்தையும் ஊக்குவிக்கிறது. பழைய பொருட்களை அகற்றுவது, புதிய ஆடை அணிவது, தீபங்களை ஏற்றுவது ஆகியவை மனதில் புதிய தொடக்கத்தின் உணர்வை உருவாக்குகின்றன. இது “Cognitive Renewal” எனப்படும் உளவியல் நிம்மதி நிலையை ஏற்படுத்துகிறது.

தீபாவளி விழா சமூக ரீதியிலும் ஆழ்ந்த தாக்கம் கொண்டது. இலங்கையில் உள்ள தமிழர்கள், இந்தியர்கள், மேலும் பல்வேறு மதத்தினரும் இதனை சமூக ஒற்றுமையுடன் கொண்டாடுகின்றனர். நகரங்களிலும் கிராமங்களிலும் அனைவரும் ஒன்றாக சேர்ந்து வீடுகளையும் தெருக்களையும் அலங்கரிப்பது, இனிப்பு பகிர்வது, குழந்தைகள் பட்டாசு வெடிப்பது போன்றவை சமூக உறவுகளை வலுப்படுத்தும் நிகழ்வுகளாகும். இது “Social Cohesion” என்ற உளவியல் நிகழ்வை உருவாக்குகிறது — அதாவது மனிதர்கள் ஒரே சமூகத்தில் தங்களின் அடையாளத்தை உறுதிப்படுத்திக் கொள்ளும் ஒரு நிலை. தீபாவளி இதனால் மக்களிடையே கருணை, பகிர்வு, ஒற்றுமை போன்ற நல்லுணர்வுகளை வளர்க்கிறது.

உலகளாவிய ரீதியில், தீபாவளி இன்று ஒரு multicultural celebration ஆக மாறியுள்ளது. இந்தியா, இலங்கை, நேபாளம், சிங்கப்பூர், மலேசியா, மொரீஷியஸ், தென் ஆப்பிரிக்கா, பிரித்தானியா, அமெரிக்கா, கனடா போன்ற நாடுகளில் வாழும் இந்திய வம்சாவளியினர் இதனை பெரும் மகிழ்ச்சியுடன் கொண்டாடுகின்றனர். இது உலகளாவிய மனித சமூகம் மதங்களின் வேறுபாட்டை மீறி கலாச்சார ஒருமைப்பாட்டை ஏற்கும் திறனை வெளிப்படுத்துகிறது. தீபாவளி United Nations Headquarters-ல் கூட ஆண்டுதோறும் கொண்டாடப்படும் ஒரு global cultural event ஆகி விட்டது. இதன் மூலம் உலகமெங்கும் “Peace, Prosperity and Light” என்ற மனித நேயத்தின் மூன்று முக்கிய அடையாளங்கள் பரவுகின்றன.

மத ரீதியாக, தீபாவளி ஒவ்வொருவருக்கும் தனித்துவமான ஆன்மீக அர்த்தத்தை தருகிறது. இந்துக்கள் லட்சுமி பூஜையால் செல்வம், அறிவு, வளம் ஆகியவற்றை வேண்டுகின்றனர். ஜைனர்கள் மகாவீரரின் முக்தி நாளாகக் கொண்டாடுகின்றனர். சீக்குகள், குரு ஹர்கோபிந்த் சாஹிபின் சிறைவிடுதலை நினைவு நாளாகக் கொண்டாடுகின்றனர். இந்த அனைத்து வழிபாடுகளும் மனித மனத்தின் spiritual elevation — ஆன்மீக உயர்வு — நோக்கி செல்லும் ஒரு சின்னமாகும். உளவியலின் “Transpersonal Psychology” கோணத்தில், இது மனிதன் தன்னைவிட பெரிய சக்தியோடு இணையும் நிலையைச் சுட்டுகிறது. அதாவது தீபாவளி என்பது கடவுளோடு, ஒளியோடு, நன்மையோடு மனிதன் ஒன்றாகும் ஆன்மீக அனுபவம்.

தீபாவளி சமூகச் சூழலில் சிரிப்பு, மகிழ்ச்சி, உறவுகள், இசை, ஒளி ஆகியவற்றின் கலவையாகும். இவை அனைத்தும் மனிதனின் “Positive Emotions” ஐ அதிகரிக்கின்றன. உளவியலாளர் Martin Seligman கூறிய “Positive Psychology” கோட்பாட்டில், மகிழ்ச்சி மற்றும் நன்றியுணர்வு உணர்வுகள் மன அழுத்தத்தைக் குறைத்து வாழ்க்கை திருப்தியை அதிகரிக்கின்றன. தீபாவளியில் மக்கள் தங்கள் குடும்பத்தினருடனும் நண்பர்களுடனும் சேர்ந்து இனிப்பு பகிர்வதும், நல்வாழ்த்துக்கள் தெரிவிப்பதும், புதிய தொடக்கத்தை கொண்டாடுவதும் இதையே பிரதிபலிக்கின்றன. இது “Emotional Resilience” எனப்படும் மன வலிமையை வளர்க்க உதவுகிறது. அதாவது துன்பங்களையும் தோல்விகளையும் தாண்டி மனதின் ஒளியைத் தக்க வைத்துக் கொள்ளும் ஆற்றல்.

இலங்கையில், குறிப்பாக தமிழ் சமூகங்களில், தீபாவளி மனிதர்களின் வாழ்வில் நம்பிக்கை மற்றும் ஆனந்தத்தின் விழாவாகக் கொண்டாடப்படுகிறது. யாழ்ப்பாணம், திருகோணமலை, கொழும்பு, மன்னார் போன்ற இடங்களில் வீடுகள் ஒளியால் மிளிரும். பள்ளிகள், கோயில்கள், சமூக மையங்கள் அனைத்திலும் சிறப்பு நிகழ்ச்சிகள் நடத்தப்படுகின்றன. இது மத விழாவைத் தாண்டி சமூக ஒற்றுமையை உருவாக்கும் national harmony festival ஆக மாறியுள்ளது. பல்வேறு மதத்தினரும் இதனை ஒருங்கிணைந்த மனப்பாங்குடன் கொண்டாடுவது இலங்கையின் பல்சமய பண்பாட்டு அழகை வெளிப்படுத்துகிறது.

சுற்றுச்சூழல் மற்றும் நவீன மனநிலை கோணத்தில், தீபாவளி இன்று ஒரு புதிய வடிவத்தை எடுக்கிறது. பட்டாசு வெடிப்பால் ஏற்படும் ஒலி மற்றும் காற்று மாசு பற்றிய விழிப்புணர்வு அதிகரித்து வருகிறது. இதனால் பலர் “Eco-friendly Diwali” எனும் பசுமை தீபாவளியை ஆதரிக்கின்றனர். இது மனவியலில் “Environmental Consciousness” எனப்படும் புதிய விழிப்புணர்வை உருவாக்குகிறது — அதாவது நம் மகிழ்ச்சியும் இயற்கையின் நலனும் ஒன்றாக இணைந்திருக்க வேண்டும் என்ற உணர்வு. இது உலகளாவிய சிந்தனையின் ஒரு புதிய பரிமாணம்.

மனித மனத்தின் வளர்ச்சியில் தீபாவளி ஒரு ஆழ்ந்த பங்கு வகிக்கிறது. ஒளி என்பது வெளிப்புற சக்தியல்ல; அது உள்ளார்ந்த உணர்வின் சின்னம். நம் மனத்தில் இருக்கும் இருள் – துக்கம், பயம், பொறாமை, வெறுப்பு – இவற்றை வென்று வெளிச்சத்தின் வழியாக நம்பிக்கை, மகிழ்ச்சி, கருணை, பகிர்வு ஆகியவற்றை வளர்க்கும் விழா தீபாவளி. இதனால் இது “Festival of Inner Transformation” என அழைக்கப்படுகிறது.

உலகளாவிய அளவில், தீபாவளி இப்போது cross-cultural psychologyயில் ஒரு முக்கியமான சின்னமாகப் பேசப்படுகிறது. மேற்கத்திய நாடுகளில் இதனை “Festival of Light and Mental Wellness” எனக் குறிப்பிடுகின்றனர், ஏனெனில் இது மனநலத்தின் அடிப்படை கூறுகளை – positivity, gratitude, forgiveness, hope – ஆகியவற்றை வெளிப்படுத்துகிறது. பல பள்ளிகளிலும், நிறுவனங்களிலும், சமூக அமைப்புகளிலும் தீபாவளி “well-being event” ஆக கொண்டாடப்படுவது, மதம் மற்றும் கலாச்சாரம் மனநலத்தை வளர்க்கும் ஒரு தளமாக மாறியிருப்பதற்கான சிறந்த எடுத்துக்காட்டு.

முடிவாகச் சொல்லப் போனால், தீபாவளி என்பது வெளிச்சத்தின் திருநாளாக மட்டுமின்றி, மனித மனத்தின் உளவியல் வெளிச்சத்தையும் பிரதிபலிக்கும் விழாவாகும். இது நம் வாழ்க்கையில் துயரங்களை ஒழித்து நம்பிக்கையையும் ஆனந்தத்தையும் வளர்க்கும் உளவியல் சிகிச்சையாகும்; சமூகத்தில் ஒற்றுமை, பகிர்வு, மகிழ்ச்சி ஆகியவற்றை வளர்க்கும் சமூகப் புரட்சியாகும்; மதத்திலும் ஆன்மீகத்திலும் வெளிச்சத்தை நோக்கிய ஒரு ஆன்மீகப் பயணமாகும். இலங்கையிலும் உலகளாவிய ரீதியிலும் தீபாவளி இன்று Peace, Light and Humanity எனும் மனிதனின் மூன்று நிரந்தர அடையாளங்களை ஒருங்கே கொண்டாடும் விழாவாகத் திகழ்கிறது.

தீபாவளி – மனத்தின் வெளிச்சம்

இருள் நீக்கும் ஒளிவிழா,

இயற்கையோடு இணையும் நெறி – தீபாவளி.

வெறும் பட்டாசு அல்ல இது,

மனத்தின் மாசை கழிக்கும் ஒரு உளவியல் தருணம்!

பகை மனம் அழியும் நேரம்,

பாசம் பொங்கும் சமூக நேரம்.

மன அழுத்தம் கரையும் தருணம்,

சிரிப்பு மலரும் ஒவ்வொரு வீட்டும்!

நம் சிந்தனை ஒரு தீபம்,

அதை ஏற்றினால் இருள் ஒழியும்.

உளவியலில் “Positive Light” எனும்

அர்த்தம் இங்கே பூரணமாய் விளங்கும்.

சிறு தீபம் ஒரு உள் மாற்றம்,

நம்பிக்கையின் நரம்பை தூண்டும் ஆற்றல்.

அந்த ஒளியில் காண்கிறோம் நாமே –

மறந்துபோன நம் மன அமைதியை!

சமூக உளவியல் சொல்கிறது –

"ஒன்றிணைவு மன அழுத்தத்தை குறைக்கும்" என்று,

அதேபோல் தீபாவளி –

உறவுகளை இணைக்கும் சின்னம் ஆகும்.

பட்டாசு ஒலி அதிகம் என நினைக்க,

அதன் பின்னால் இருக்கும் மகிழ்ச்சி உணர்ந்தால்,

அந்த “sound energy” கூட

மனதில் ஆற்றலாய் மாறும்!

மனம் – இருளில் வழி தவறினால்,

அறிவு – தீபமாக ஆகட்டும்.

தீபாவளி நமக்கு சொல்லும் பாடம் –

ஒளி வெளிப்பட மனமே மாறட்டும்!

பொய்மையை எரிக்கும் அக்னி இது,

உண்மையை ஏற்றும் தீபம் இது.

பொருளில் அல்ல, பொருட்பொருளில் அல்ல –

மனத்தில் வெளிச்சம் தேடும் விழா இது!

அன்பு, சமாதானம், சமூக ஒற்றுமை –

இவைதான் தீபாவளியின் உண்மை விளக்குகள்.

உளவியலின் மொழியில் சொல்லலாம் –

இது “Emotional Cleansing” விழா!

நாம் ஒளி ஏற்றும் ஒவ்வொரு தருணமும்,

அது வெறும் தீபம் அல்ல, ஒரு தீர்வு –

மன இருளிலிருந்து வெளிச்சத்திற்குச் செல்லும்

உளவியல் பயணம் – தீபாவளி

நடராசா கோபிராம்
உளவியல்சிறப்புக்கலைமாணவன்
யாழ்ப்பாணப் பல்கலைக்கழகம்