தவறவிடாதீர்கள்..!உடனே பதிவு செய்யுங்கள்

சமூக ஊடகங்கள் நவீன சமுதாயத்தில் அளப்பரிய பங்காற்றி வருகின்றன. சமுதாயத்தில் சமூக ஊடகங்களின் பங்களிப்பானது எண்ணற்ற வகையில் மாற்றத்தை ஏற்படுத்தியுள்ளது என்பதே சந்தேகமின்றிய நிதர்சனம். ஒரு சில நிமிடங்களில் செய்திகளை உலகமெங்கும் கடத்தும் இந்தத் தொழில்நுட்பப் புரட்சி, உலகை ஒரு விரல் நுனிக் கிராமமாகக் குறுக்கியிருக்கிறது. பொதுவாக, சமூக ஊடகங்கள் சமூகத்தை வடிவமைப்பதில் பல்வேறு வழிகளில் செல்வாக்கு செலுத்துகின்றன. இச் செல்வாக்கு நேர்மறை மற்றும் எதிர்மறை விளைவுகளைத் தோற்றுவிக்கிறது. பல ஆண்டுகளாக, தொழில்நுட்பம் நவீன சமுதாயத்தின் பெரும் பகுதியாக மாறியுள்ளது. இதன் விளைவாக, அத்தகைய தளங்களின் மீதான மக்களின் அதீத ஈடுபாடும், அதைப் பயன்படுத்துவதில் செலவிடும் நேரமும் இன்று மிகப்பெரிய விவாதப் பொருளாகியிருக்கிறது.