தவறவிடாதீர்கள்..!உடனே பதிவு செய்யுங்கள்

தமிழ் முற்போக்குக் கூட்டணியிலுள்ள மூன்று கட்சிகளான தொழிலாளர் தேசிய சங்கம், மலையக மக்கள் முன்னணி, ஜனநாயக மக்கள் முன்னணி ஆகியனவும் இலங்கை தொழிலாளர் காங்கிரசும் தேசிய மக்கள் சக்திக்கு எதிராக பிரசாரங்களை முன்னெடுத்தாலும்  நுவரெலியா மாவட்டத்தில் அவை உள்ளூராட்சி மன்றங்களை அமைப்பதற்கு தேசிய மக்கள் சக்திக்கு முட்டு கொடுத்துள்ளன. இதன் அடிப்படையில் நுவரெலியா மாநகர சபை உட்பட தலவாக்கலை –லிந்துலை நகர சபை, அட்டன் –டிக்கோயா நகர சபை, ஹங்குரன்கெத்த, வலப்பனை, கொத்மலை ஆகிய பிரதேச சபைகளில் தேசிய மக்கள் சக்தி ஆட்சியமைக்க வலப்பனையைத் தவிர மேற்குறிப்பிட்ட சபைகளில் பிரதி மேயர் மற்றும் உபதவிசாளர் பதவிகள் இ.தொ.காவுக்கு கிடைத்தன. அதே போன்று நுவரெலியா, அக்கரபத்தனை, கொட்டகலை ஆகிய பிரதேச சபைகளில் உபதவிசாளர் பதவியை தேசிய மக்கள் சக்திக்கு வழங்கியது இ.தொ.கா. மிகுதியாக இருந்த நோர்வூட் பிரதேச சபைத் தவிசாளர் தேர்வின் போதும் மேற்குறிப்பிட்ட வழிமுறைகளே பின்பற்றப்படும் என எதிர்ப்பார்க்கப்பட்ட போதும் அங்கு தொழிலாளர் தேசிய சங்கம் தேசிய மக்கள்  சக்திக்கு ஆதரவளித்து  உப தவிசாளர் பதவியைப் பெற்றுக்கொண்டது.