தவறவிடாதீர்கள்..!உடனே பதிவு செய்யுங்கள்

இலங்கை பொறியியலாளர்கள் நிறுவனம் (IESL) ஏற்பாடு செய்த TECHNO 2025 பொறியியல் மற்றும் தொழில்நுட்ப கண்காட்சி ஒக்டோபர் 10 முதல் 12 வரை கொழும்பில் உள்ள பண்டாரநாயக்க சர்வதேச மாநாட்டு மண்டபத்தில் நடைபெற்றது. அங்கு இலங்கை கடற்படையின் பொறியியல் கண்டுபிடிப்பின் சிறப்பம்சங்கள் காட்சிப்படுத்தப்பட்டன.

அதன்படி, இலங்கை இராணுவ பொறியியல் மற்றும் தொழில்நுட்பக் கல்லூரியின் (College of Military Engineering and Technology, Sri Lanka - CMETSL) கீழ், ஆயுதப் படைகளின் ஒருங்கிணைந்த தொழில்நுட்ப வலிமையை எடுத்துக்காட்டும் வகையில், முப்படை பொறியியல் கண்டுபிடிப்புகள் காட்சிப்படுத்தப்பட்டன, அங்கு கடற்படை அனைத்து கடற்படை கட்டளைகளையும் பிரதிநிதித்துவப்படுத்தும் 7 இயந்திர பொறியியல் திட்டங்கள், 8 சிவில் பொறியியல் திட்டங்கள் மற்றும் 7 மின் மற்றும் மின்னணு பொறியியல் திட்டங்களை காட்சிப்படுத்தியது.

மேலும், கடற்படை படகு கட்டும் தளம் (NBBY), கடற்படை தொழில்நுட்ப நிறுவனம் (NIT) மற்றும் கடற்படை வடிவமைப்பு பிரிவு (DND) ஆகியவற்றால் காட்சிப்படுத்தப்பட்ட கண்டுபிடிப்புகள், வடிவமைப்பு, உற்பத்தி மற்றும் புதிய தொழில்நுட்பத்தில் கடற்படையின் சிறப்பை மேலும் எடுத்துக்காட்டுகின்றன.

மேலும், பாதுகாப்புத் துறையிலும் சிவில் துறையிலும் உள்ள பொறியியல் வல்லுநர்களிடையே அறிவுப் பரிமாற்றத்திற்கான ஒரு தனித்துவமான தளத்தை உருவாக்கிய TECHNO 2025 கண்காட்சியில் பங்கேற்பது, குறிப்பாக பொறியியல் துறையில் புதுமை, தொழில்முறை மேம்பாடு மற்றும் சிறந்து விளங்குவதற்கும், தேசிய வளர்ச்சிக்குத் தேவையான தொழில்நுட்ப திறன்களை மேம்படுத்துவதற்கும் இலங்கை கடற்படையின் தொடர்ச்சியான அர்ப்பணிப்பை எடுத்துக்காட்டுகிறது.