தவறவிடாதீர்கள்..!உடனே பதிவு செய்யுங்கள்

மலேசியாவில் நடைபெற்ற ஆசிய அழகுக்கலை மற்றும் சிகையலங்காரப் போட்டியில் இரு இலங்கையர்கள் 5 பதக்கங்களை வென்றுள்ளனர் 

யாழ்ப்பாணம் கொக்குவிலைச் சேர்ந்த சுலக்ஷனா பியூட்டி கெயார் & அகடமியின் உரிமையாளர் சுலக்‌ஷனா சஞ்சீவனுக்கு ஒரு வெள்ளிப் பதக்கமும் ஒரு வெண்கலப் பதக்கமுமாக இரண்டு பதக்கங்கள் கிடைத்தன.  

அத்துடன் கண்டியைச் சேர்ந்த எல். தர்ஸனுக்கு மூன்று பதக்கங்கள் கிடைத்தன.

இந்த அழகுக்கலை மற்றும் சிகையலங்காரப் போட்டியில் இலங்கையைச் சேர்ந்த 7 அழகுக்கலை நிபுணர்கள்  கலந்துகொண்டனர். இவர்களை நயகரா சலூன் என்ட் அகடமியின் இயக்குநர் கயல்விழி ஜெயபிரகாஷ் அழைத்துச் சென்றுள்ளார். 

இந்த போட்டியில் 14 நாடுகளைச் சேர்ந்தவர்கள் பங்குபற்றியமை குறிப்பிடத்தக்கது.