தவறவிடாதீர்கள்..!உடனே பதிவு செய்யுங்கள்

எதையும் திட்டமிட்டு காரியங்களை முன்னெடுக்கும் ரணில் விக்ரமசிங்கவோ சஜித் பிரேமதாசவை ஓரங்கட்டும் முயற்சிகளில் இறங்கியுள்ளாரோ என்ற சந்தேகமும் உள்ளது. சஜித்தின் பக்கமிருக்கும் எம்.பிக்கள் தமது தலைமைத்துவம் குறித்து பகிரங்கமாகவே கருத்து வெளியிட்டு வருகின்றனர். இதற்கு விளக்கம் கேட்டால் சில வேளைகளில் அவர்கள் பாராளுமன்றில் சுயேச்சையாக இயங்க முடிவெடுப்பர். அல்லது அவர்கள் ரணிலின் பக்கம் போய் சேர்ந்து விடுவர். இதன் காரணமாக சஜித் வேண்டா வெறுப்பாக இதற்கு சம்மதித்தாரோ தெரியவில்லை. ஆனால் அவரின் பக்கமிருக்கும் தமிழ்க் கட்சிகள் இருதரப்பும் இணைந்து விட வேண்டும் என மிக ஆர்வமாக இருந்திருக்கின்றனர் என்பதை அவர்களின் அறிக்கைகள் மூலம் அறிய முடிகின்றது. ஐக்கிய தேசிய கட்சி மாநாட்டிலும் இது எதிரொலித்தது.