தவறவிடாதீர்கள்..!உடனே பதிவு செய்யுங்கள்

அறிவின் தீபம் பொங்கியதொரு கோபுரம்,

அழிந்த பின் எழுந்து நின்றது – நம் யாழின் பெருமை சுமந்த தரிசனம்.

புத்தகத் தூண்கள் பேசின – பொலிவற்ற காலத்தின் கதைகளை,

மனம் பேசும் மொழியில் விழித்தெழும் மௌனப் பெருமைகளை.

அங்கே ஒரு வரி – மனத்தின் ஆழக் குரல்,

ஒரு பக்கம் – பயணிக்கும் சிந்தனையின் பசுமை.

தோன்றாத உணர்வுகள், தொலையாத சுவாசங்கள்,

நூல்களில் இல்லை – ஆனால் வாசிக்கும் மனத்தில் வாழ்ந்தவைகள்.

பளிச்சென்ற கட்டடமல்ல இது,

நாம் கொண்டிருக்கும் நாகரிகத்தின் நீண்ட நிழல்!

வெந்து சிதைந்த பக்கங்களில் கூட,

விழிப்புணர்வின் முளைகள் மலர்ந்தன – விடியலுக்கு முன்பே.

ஒரு நூலகம் என்பது பக்கம் பெயர்த்தல் அல்ல,

அது ஒரு சமூகத்தின் மன ஓவியம்,

தரமான சிந்தனையின் தூண்கள்,

மறந்து போன விடுதலையின் ஓசைகள்.

வாசிப்பு ஒரு மன பயணம் –

நம் விழிகளுக்கு மறைந்து கிடக்கும் உண்மை தேடல்.

யாழ்ப்பாணம், உன்னில் நின்ற நம் நூலகம்,

நம் இனத்தின் உயிரும் ஒளியும் ஒரே நேரத்தில்!

நடராசா கோபிராம்
யாழ்ப்பாணப்பல்கலைக்கழகம்
உளவியல்சிறப்புக்கலைமாணவன்