தவறவிடாதீர்கள்..!உடனே பதிவு செய்யுங்கள்

தனக்கு நோபல் பரிசு கிடைக்காது என இறுதித் தருணத்தில் ஊகித்த டொனால்ட் ட்ரம்ப் எனக்கு அந்த பரிசு கிடைக்காவிட்டால் அது அமெரிக்காவுக்கே அவமானம் என்று கருத்து வெளியிட்டிருக்கின்றார். சர்வதேச ரீதியாக எட்டு போர்களை நான் நிறுத்தியுள்ளேன். உலகத்தில் சமாதானம் ஏற்பட வழிவகுத்துள்ளேன். ஆகையால் சமாதானத்துக்கான நோபல் பரிசை எனக்கு வழங்குவதில் எந்த பிரச்சினைகளும் இருக்காது. அவ்வாறு எனக்கு அந்த விருது வழங்கப்படாவிட்டால் அது எனக்கு ஏற்படும் அவமானம் அல்ல அமெரிக்காவுக்கே அவமானமாகும் என்று ட்ரம்ப் கூறியுள்ளார். அமெரிக்காவின் முன்னாள் ஜனாதிபதி பராக் ஒபாமா அமைதிக்கான நோபல் பரிசை கடந்த 2009ம் ஆண்டு பெற்றார். பராக் ஒபாமா அமெரிக்க ஜனாதிபதியாக பொறுப்பேற்ற அடுத்த சில மாதங்களிலேயே அந்த பரிசை வென்றார். இதனால் டிரம்பும், எப்படியாவது நோபல் பரிசை வெல்ல வேண்டும் என்று தொடர்ந்து தனது விருப்பத்தை தெரிவித்து வந்தார். ஆனால் அவரது ஆசை நிறைவேறவில்லை.