தவறவிடாதீர்கள்..!உடனே பதிவு செய்யுங்கள்

நட்சத்திர நடிகராக உயர்ந்திருக்கும் இயக்குநரும், நடிகருமான பிரதீப் ரங்கநாதன் நடிப்பில் தயாராகி இருக்கும் 'டியூட்' திரைப்படத்தின் முன்னோட்டம் வெளியிடப்பட்டிருக்கிறது. இதில் இடம்பெறும் உரையாடல்கள்-  ரசிகர்களின் கவனத்தை கவர்ந்திருப்பதால் பாரிய வரவேற்பை பெற்று வருகிறது.

அறிமுக இயக்குநர் கீர்த்தீஸ்வரன் இயக்கத்தில் உருவாகி உள்ள 'டியூட்' திரைப்படத்தில் பிரதீப் ரங்கநாதன், மமிதா பைஜு, ஆர் .சரத்குமார், ஹிர்து ஹாரூன்,  ரோகிணி, ஐஸ்வர்யா சர்மா உள்ளிட்ட பலர் நடித்திருக்கிறார்கள். நிகேத் பொம்மி ஒளிப்பதிவு செய்திருக்கும் இந்த திரைப்படத்திற்கு சாய் அபயங்கர் இசையமைத்திருக்கிறார்.

இளமை ததும்பும் காதல் கதையை மையப்படுத்திய இந்த திரைப்படத்தை மைத்ரி மூவி மேக்கர்ஸ் நிறுவனம் சார்பில் தயாரிப்பாளர்கள் நவீன் யெர்னேனி மற்றும் வை. ரவிசங்கர் ஆகியோர் இணைந்து தயாரித்திருக்கிறார்கள்

எதிர்வரும் 17 ஆம் திகதியன்று உலகம் முழுவதும் படமாளிகையில் தமிழ் மற்றும் தெலுங்கு மொழியில் வெளியாகும் இந்த திரைப்படத்தின் முன்னோட்டம் வெளியிடப்பட்டிருக்கிறது. 

இதில் இடம் பிடித்திருக்கும் உரையாடல்கள்... குறிப்பாக 'நூறு பேர் வந்தாலும் அடி வாங்க முடியும்' என்ற வசனங்களும், தம் -சொக்லெட் ஒப்பீடும் ரசிகர்களை கவர்ந்திருக்கிறது.