பாகிஸ்தானை பந்தாடியது நடப்பு சம்பியன் அவுஸ்திரேலியா

08 Oct, 2025 | 10:15 PM
image

(நெவில் அன்தனி)

கொழும்பு ஆர். பிரேமதாச சர்வதேச விளையாட்டரங்கில் இன்று புதன்கிழமை (08) நடைபெற்ற ஐசிசி மகளிர் உலகக் கிண்ண கிரிக்கெட்டின் 9ஆவது போட்டியின் ஆரம்பத்தில் பாகிஸ்தானிடம் தடுமாறிய நடப்பு சம்பியன் அவுஸ்திரேலியா இறுதியில் 107 ஓட்டங்களால் அமோக வெற்றியீட்டியது.

இந்தப் போட்டி முடிவுடன் பாகிஸ்தான் தனது 3ஆவது நேரடி தோல்வியைத் தழுவியது.

அவுஸ்திரேலியாவினால் நிர்ணயிக்கப்பட்ட 222 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய பாகிஸ்தான் 36.3 ஓவர்களில் சகல விக்கெட்களையும் இழந்து 114 ஓட்டங்களைப் பெற்று தோல்வி அடைந்தது.

அவுஸ்திரேலியாவின் பந்துவீச்சுகளை எதிர்கொள்வதில் சிரமப்பட்ட பாகிஸ்தான் சீரான இடைவெளியில் விக்கெட்களை இழந்து 13ஆவது ஓவரில் 6 விக்கெட் இழப்புக்கு 49 ஓட்டங்களைப் பெற்றிருந்தது.

எனினும் கடைசி 4 விக்கெட்களில் 65 ஓட்டங்கள் பாகிஸ்தானின் மொத்த எண்ணிக்கைக்கு சேர்ந்தது.

முன்வரிசையில் மிகவும் நிதானத்துடன் துடுப்பெடுத்தாடிய சித்ரா ஆமின் 35 ஓட்டங்களையும் மத்திய வரிசையில் ரமீன் ஷமின் 15 ஓட்டங்களையும் அணித் தலைவி பாத்திமா சானா 11 ஓட்டங்களையும் பின்வரிசையில் நஷ்ரா சாந்து 11 ஓட்டங்களையும் பெற்றனர்.

உதிரிகளாக 19 ஓட்டங்கள் கிடைத்தது.

பந்துவீச்சில் கிம் கார்த் 14 ஓட்டங்களுக்கு 3 விக்கெட்களையும் அனாபெல் ஷூட் 15 ஓட்டங்களுக்கு 2 விக்கெட்களையும் மெகான் ஷூட் 25 ஓட்டங்களுக்கு 2 விக்கெட்களையும் வீழ்த்தினர்.

முன்னதாக முதலில் துடுப்பெடுத்தாடப் பணிக்கப்பட்ட அவுஸ்திரேலியா ஆரம்பத்தில் தடுமாற்றத்தை எதிர்கொண்ட போதிலும் பெத் மூனி குவித்த அபார சதத்தின் உதவியுடன் 50 ஓவர்கள் நிறைவில் 9 விக்கெட்களை இழந்து 221 ஓட்டங்களைப் பெற்றது.

நஷ்ரா சாந்து, ரமீன் ஷமிம், பாத்திமா சானா, சாடியா இக்பால், டயனா பெய்க் ஆகியோரின் பந்துவீச்சுக்களை எதிர்கொள்வதில் பெரும் சிரமத்தை எதிர்கொண்ட அவுஸ்திரேலியா 34ஆவது ஓவரில் 8 விக்கெட்களை இழந்து 115 ஓட்டங்களைப் பெற்று மிக மோசமான நிலையில் இருந்தது.

ஆனால், அனுபசாலியான 31 வயதுடைய பெத் மூனி அபார சதம் குவித்து அவுஸ்திரேலியாவை மீட்டெடுத்தார். 10ஆம் இலக்க வீராங்கனை அலனா கிங் பொறுமையுடன் துடுப்பெடுத்தாடி கன்னி அரைச் சதம் குவித்து அசத்தினார்.

அவர்கள் இருவரும் 9ஆவது விக்கெட்டில் சாதனைமிகு 106 ஓட்டங்களைப் பகிர்ந்தனர். மகளிர் சர்வதேச ஒருநாள் கிரிக்கெட் போட்டிகளில் 9ஆவது விக்கெட்டுக்கான அதிசிறந்த இணைப்பாட்டம் இதுவாகும்.

நோர்த் சிட்னியில் கடந்த வருடம் நடைபெற்ற தென் ஆபிரிக்காவுக்கு எதிரான போட்டியில் அவுஸ்திரேலியாவின் ஏஷ்லி கார்ட்னர், கிம் கார்த் ஆகியோர் பகிர்ந்த 77 ஓட்டங்களே மகளிர் சர்வதேச ஒருநாள் கிரிக்கெட்டில் ஒன்பதாவது விக்கெட்டுக்கான முந்தைய சாதனையாக இருந்தது.

பெத் மூனி 114 பந்துகளை எதிர்கொண்டு 11 பவுண்டறிகளுடன் 109 ஓட்டங்களைப் பெற்று கடைசிப் பந்தில் ஆட்டம் இழந்தார்.

மகளிர் சர்வதேச ஒருநாள் கிரிக்கெட்டில் தனது அதிசிறந்த துடுப்பாட்ட ஆற்றலை வெளிப்படுத்திய அலனா கிங் 49 பந்துகளில் 3 பவுண்டறிகள், 3 சிக்ஸ்கள் அடங்கலாக 51 ஓட்டங்களுடன் ஆட்டம் இழக்காதிருந்தார்.

முன்வரிசையில் அணித் தலைவி அலிசா ஹீலி 20 ஓட்டங்களைப் பெற்றார்.

பந்துவீச்சில் நஷ்ரா சாந்து 37 ஓட்டங்களுக்கு 3 விக்கெட்களையும் ரமீன் ஷமிம் 29 ஓட்டங்களுக்கு 2 விக்கெட்களையும் பாத்திமா சானா 49 ஓட்டங்களுக்கு 2 விக்கெட்களையும் கைப்பற்றினர்.

ஆட்டநாயகி: பெத் மூனி

முக்கிய செய்திகள்

icon-left
icon-right

தொடர்பான செய்திகள்

news-image

இந்தியா - பூட்டான், பங்களாதேஷ் -...

2026-11-14 11:47:31
news-image

இந்தியாவை துவம்சம் செய்து  இரண்டாவது   மிகப்...

2026-11-14 06:39:43
news-image

மகளிர் முன்னேறிவரும் நாடுகள் கிரிக்கெட: ஸ்கொட்லாந்தை...

2026-11-14 04:23:55
news-image

இலங்கையின் அச்சுறுத்தலுக்கு மத்தியில் டெஸ்ட் போட்டியை...

2026-11-14 04:20:49
news-image

பாகிஸ்தானின் சக்கிப் 7 விக்கெட் குவியல்,...

2026-11-12 16:45:31
news-image

பாகிஸ்தானுக்கு எதிரான  முதலாவது   டெஸ்ட் போட்டியில்...

2026-11-12 04:30:02
news-image

இங்கிலாந்திலிருந்து அழைக்கப்பட்ட ஹம்சா, பர்ஹான் ஆகியோர்...

2026-11-12 04:17:39
news-image

தேசிய கூடைப்பந்தாட்டப் போட்டியில் வெற்றி ;...

2026-11-11 16:08:40
news-image

நாங்கள் விளையாடுவது கால்பந்தாட்டம், கிரிக்கெட் அல்ல,...

2026-11-11 11:37:01
news-image

இந்தியாவில் நடைபெறவுள்ள சர்வதேச கிரிக்கெட் போட்டிகளில்...

2026-11-11 06:24:07
news-image

அறிமுக வீரர்கள் மூவர் குவித்த அரைச்...

2026-11-10 19:32:54
news-image

இளையோர் ஒலிம்பிக் விளையாட்டு விழாவில் இலங்கைக்கான...

2026-11-10 00:21:02