தவறவிடாதீர்கள்..!உடனே பதிவு செய்யுங்கள்

நாடளாவிய ரீதியில்  திங்கட்கிழமை (06) பொலிஸாரால் மேற்கொள்ளப்பட்ட சுற்றிவளைப்புகளின் போது பல்வேறு குற்றச் செயல்களுடன் தொடர்புடைய  719 சந்தேக நபர்கள் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது. 

பொலிஸாரால் மேற்கொள்ளப்பட்ட சுற்றிவளைப்புகளின் போது 28,476 பேர் சோதனைக்கு உட்படுத்தப்பட்டதாக பொலிஸ் ஊடகப்பிரிவு தெரிவித்துள்ளது. 

மேலும் இந்த சோதனை நடவடிக்கையில் குற்றச் செயல்களுடன் நேரடியாக தொடர்புடைய 13 சந்தேக நபர்கள் கைது செய்யப்பட்டுள்ளனர்.  

பிடியாணை பிறப்பிக்கப்பட்டுள்ள 409 சந்தேக நபர்களும் இதன்போது கைது செய்யப்பட்டனர். 

இதேவேளை, மதுபோதையில் வாகனம் செலுத்தல், பொறுப்பற்ற முறையில் வாகன செலுத்துதல் போன்ற பல்வேறு போக்குவரத்து குற்றங்களுக்காக 3,483 பேர் கைது செய்யப்பட்டுள்ளனர்.  

பொலிஸாரின் இந்த நடவடிக்கையானது போதைப்பொருள் கடத்தல்காரர்கள் மற்றும் குற்றச் செயல்களில் ஈடுபடும் நபர்களை கண்டறிவதற்காகவே நடத்தப்படுகின்றது என பொலிஸார் தெரிவிக்கின்றனர்.