தவறவிடாதீர்கள்..!உடனே பதிவு செய்யுங்கள்

'பிக் பொஸ்' சீசன் 3 நிகழ்ச்சியின் டைட்டில் வின்னரும், 'வேலன்' படத்தின் மூலம் தமிழ் ரசிகர்களுக்கு அறிமுகமானவருமான மலேசியாவை சேர்ந்த நடிகர் முகேன் ராவ் கதையின் நாயகர்களில் ஒருவராக நடித்திருக்கும் 'நிறம்' எனும் ஆந்தாலஜி பாணியிலான திரைப்படத்தின் ஃபர்ஸ்ட் லுக் வெளியிடப்பட்டிருக்கிறது.

இயக்குநர் கிருஷ்ணா பலராம் இயக்கத்தில் உருவாகி வரும் 'நிறம்' எனும் திரைப்படத்தில் முகேன் ராவ், ப்ரீத்தி அஸ்ராணி, தான்யா ஹோப், நிதின் சத்யா, சுரேகா வாணி, சுரேஷ் சக்கரவர்த்தி உள்ளிட்ட பலர் நடித்திருக்கிறார்கள். சான்டானியோ டெர்ஜியோ ஒளிப்பதிவு செய்திருக்கும் இந்த திரைப்படத்திற்கு டி .இமான் இசையமைத்திருக்கிறார். உண்மை சம்பவங்களை தழுவி ஹைப்பர் லிங்க் பாணியில் தயாராகி இருக்கும் இந்த திரைப்படத்தை கே ஸ்கொயர் சினிமா நிறுவனம் தயாரித்திருக்கிறது.

இதனிடையே நடிகர் முகேன் ராவ் நடிப்பில் வெளியான 'வேலன்', 'ஜின்- தி பெட்' என இரண்டு திரைப்படங்களும்... வணிக ரீதியாக பாரிய வெற்றியை பெறாததால்.. அவரது நடிப்பில் உருவாகி இருக்கும் 'நிறம்' படத்திற்கும் திரையுலக வணிகர்களிடையே எதிர்பார்த்த அளவிற்கு ஆதரவு இல்லை என்பது குறிப்பிடத்தக்கது.