தவறவிடாதீர்கள்..!உடனே பதிவு செய்யுங்கள்

நவராத்திரி – ஒன்பது இரவுகள், ஒன்பது உணர்வுகள்

பண்டைய புராணக் கதைகள் சொன்னது –

மகிஷாசுரனை வீழ்த்திய தேவியின் வீரக் கதை,

அதில் மறைந்தது ஒரு உளவியல் சிந்தனை –

அகந்தை அழிந்தால் மட்டுமே அறிவு மலரும்!

வரலாறாக நிற்கும் திருவிழா,

விழிப்புணர்வை விதைக்கும் சின்னமாகும்;

பெண்ணின் சக்தி, தாயின் கருணை,

சமூகத்தில் சமநீதி பேசும் தாளமிது.

ஒன்பது நாட்கள் – ஒன்பது நிறங்கள்,

ஒவ்வொரு நிறமும் மனதின் ஓர் நிலை;

சிவப்பு வீரத்தைக் குறிக்கும்,

வெள்ளை அமைதியை வளர்க்கும் –

உளவியல் ஆய்வில் இது சிகிச்சைதான்,

நிறங்களால் மனம் மாற்றமடைதல்!

கோலுகள், கலைகள், கதைப்பாடல்கள் –

படைப்பாற்றல் பறக்கும் மேடையிது;

பொம்மலாட்டத்தில் பேசும் சமூகச் செய்தி,

சிறுவர் மனதில் விழும் விதைகள் அறிவு.

ஆராய்ச்சிகள் சொல்கின்றன –

கூட்டு வழிபாடு மனஅழுத்தம் குறைக்கும்,

இசை, நடனம், நிறங்கள் மனநலனைக் கூட்டும்,

இதில் தான் நவராத்திரியின் தரமான சான்று!

புராணங்களில் நம்பிக்கைகள் விதைக்க,

சமூகத்தில் புதிய நம்பிக்கை மலர்கிறது;

இன்று பெண்கள் கல்வியால் எழுந்திட,

தேவியின் சக்தி உயிர்த்தெழும் கதையாகிறது.

நவராத்திரி ஒரு விழா மட்டும் அல்ல –

உள் போராட்டங்களின் மனவியல் கற்றல்;

சிந்தனை, சமூக ஒற்றுமை, படைப்பாற்றல்,

அனைத்தையும் இணைக்கும் ஒளிவிழா.

ஒன்பது இரவுகள் முடிந்தபின் உதயம் –

நம்பிக்கையின் புது காலையிது;

அறிவு, அன்பு, அமைதி சேர்ந்து –

மனித சமுதாயம் உயரும் பாதையிது.

- நடராசா கோபிராம்,

உளவியல் சிறப்புக் கலை மாணவன் 

யாழ்ப்பாணப் பல்கலைக்கழகம்.