தவறவிடாதீர்கள்..!உடனே பதிவு செய்யுங்கள்

ரொபட் அன்டனி

ஐக்­கிய நாடுகள் சபையின் 80ஆவது பொதுச் சபைக் கூட்­டத்­தொடர், நியூயோர்க் நகரில் உலகத் தலை­வர்­களின் பங்­கேற்­புடன் நடை­பெற்ற நிலையில் பல்­வேறு பர­ப­ரப்­பான சம்­ப­வங்கள் மற்றும் கடு­மை­யான அர­சியல் விமர்­ச­னங்­களின் கள­மா­கவும் இம்­முறை நடந்­தே­றி­யி­ருக்­கி­றது. உலகப் பிரச்­சி­னை­க­ளுக்குத் தீர்வு காணும் முக்­கிய அமைப்­பாக ஐ.நா. இருந்­தாலும், அதன் தற்­போ­தைய செயல்­பாடு மற்றும் எதிர்­காலம் குறித்த கேள்­விகள் இந்த அமர்வின் மைய­மாக இம்­முறை இருந்­தன. குறிப்­பாக, அமெ­ரிக்க ஜனா­தி­பதி டொனால்ட் ட்ரம்ப் மற்றும் பிரான்ஸ் ஜனா­தி­பதி இமா­னுவேல் மக்ரோன் ஆகியோர் சம்­பந்­தப்­பட்ட நிகழ்­வுகள் உலக அளவில் கவனம் பெற்­றன.

இம்­முறை ஐக்­கிய நாடுகள் பொதுச் சபைக் கூட்டத் தொடரில் அமெ­ரிக்க ஜனா­தி­பதி டொனால்ட் ட்ரம்ப் ஆற்­றிய உரை, ஐக்­கிய நாடுகள் சபை மற்றும் பல உலக நாடுகள் மீது அவர் முன்­வைத்த நேர­டி­யான, கூர்­மை­யான விமர்­ச­னங்­களால் முக்­கி­ய­மான ஒன்­றாகக் கரு­தப்­ப­டு­கி­றது. அவ­ரது உரையின் தொடக்­கத்­தி­லேயே அவர் எதிர்­கொண்ட தொழில்­நுட்பச் சிக்­கல்கள் குறிப்­பாக மாநாட்டு மண்­ட­பத்­துக்குச் செல்லும் மின் தூக்­கியில் ஏற்­பட்ட கோளாறு மற்றும் அவ­ரது உரையை முன்­காட்டும் டெலிப்­ராம்ப்­டரில் ஏற்­பட்ட தடை­போன்­ற­வற்றை ஐ.நா.வின் நிர்­வாகத் திற­மை­யின்­மைக்­கான சான்­றாக அவர் சுட்­டிக்­காட்­டினார்.

அமெ­ரிக்க ஜனா­தி­பதி ட்ரம்ப், ஐ.நா.வின் செயல்­பா­டு­களைக் கடு­மை­யாகச் சாடியே உரையை நிகழ்த்­தினார்.

"ஐ.நா. அமைப்­பினால் எந்த ஒரு யுத்­தத்­தையும் முடி­வுக்குக் கொண்­டு­வர முடி­ய­வில்லை, ஆனால் நான் ஏழு யுத்­தங்­களை உல­கத்தில் முடி­வுக்குக் கொண்டு வந்­தி­ருக்­கிறேன்" என்று டொனால்ட் ட்ரம்ப் தனது உரையில் குறிப்­பிட்டார். இது ஐ.நா.வின் பேச்­சு­வார்த்தைத் திறன் மற்றும் உலக மோதல்­களை முடி­வுக்குக் கொண்­டு­வ­ரு­வதில் அதன் வகி­பாகம் குறித்து கடு­மை­யான கேள்­வி­களை எழுப்­பி­யுள்­ளது.

இதே­போன்று, ட்ரம்ப் ரஷ்யா மீதும் விமர்­ச­னங்­களை முன்­வைத்தார். இரு நாடு­களின் தலை­வர்­க­ளுக்­கு­மி­டையே (ட்ரம்ப் -– புடின்) இருந்­த­தாகக் கரு­தப்­பட்ட நட்­பு­றவில் விரிசல் ஏற்­ப­டு­வதைக் காட்­டு­வ­தாக இது பார்க்­கப்­ப­டு­கி­றது. ரஷ்யா மீதான ட்ரம்பின் விமர்­ச­னங்கள், அமெ­ரிக்­கா-–­ரஷ்யா இடை­யி­லான இணக்­கத்தின் வீழ்ச்­சியை வெளிப்­ப­டுத்­து­வ­தாக அமைந்­தி­ருந்­தது.

குறிப்­பாக உக்ரேன் போர் தொடர்­பாக ஒரு காலக்­கெ­டுவை நிர்­ண­யித்து, ரஷ்­யா­விடம் "காகித வீரர்கள்" மட்­டுமே இருப்­ப­தா­கவும், அதனால் உக்ரேன் போரில் வெற்றி பெற முடியும் என்ற தொனியில் ட்ரம்ப் பேசி­யது, ரஷ்­யாவின் கடு­மை­யான பதி­லுக்கு இட்டுச் சென்­றது. இந்த நகர்­வுகள் உலக வல்­ல­ர­சு­க­ளுக்கு இடை­யே­யான ராஜ­தந்­திர உற­வுகள் வீழ்ச்­சி­ய­டைந்து, பகி­ரங்க வார்த்தை மோதல்­க­ளாக மாறி­யதைக் காட்­டு­கி­றது.

இஸ்­ரே­லியப் பிர­த­மரின் உரை புறக்­க­ணிப்பு

கூட்­டத்­தொ­டரின் மிக முக்­கி­ய­மான எதிர்ப்­­ பு­களில் ஒன்­றாக, இஸ்­ரே­லியப் பிர­தமர் உரை­யாற்றத் தொடங்­கி­ய­போது பல உலக நாடு­களின் தலை­வர்கள் மாநாட்டு மண்­ட­பத்தில் இருந்து வெளி­யே­றி­யதாக அமைந்­தது. பலஸ்­தீன விவ­கா­ரத்தில் இஸ்ரேல் எடுத்­து­வரும் நிலைப்­பா­டு­க­ளுக்கு எதி­ராக, குறிப்­பாக அண்­மையில் கட்டார் மீது இஸ்ரேல் நடத்­திய தாக்­குதல் பின்­ன­ணியில், இஸ்­லா­மிய நாடு­களின் அமைப்பு (Organization of Islamic Cooperation - OIC) ஒரு­மைப்­பாட்­டுடன் செயல்­படத் தொடங்­கி­யுள்­ளதன் அடை­யா­ள­மாக இது பார்க்­கப்­பட்­டது. மொரோக்கோ முதல் இந்­தோ­னே­சியா வரை­யி­லான 57 முஸ்லிம் நாடுகள் ஒன்­றி­ணைந்து, உலக அர­சி­யலில் தங்கள் இருப்பைப் பலப்­ப­டுத்­திக்­கொள்ள முயலும் ஒரு கூட்டு நட­வ­டிக்­கை­யாக இது அமைந்­தது.

பலஸ்­தீ­னத்தை ஐ.நா.வில் முழு உறுப்­பி­ன­ராக அங்­கீ­க­ரிக்கும் விவ­காரம் இந்த அமர்வின் முக்­கிய பேசு­பொ­ருட்­களில் ஒன்­றாகும். பிரான்ஸ், கனடா, அவுஸ்­தி­ரே­லியா, பெல்­ஜியம், பிரிட்டன் போன்ற பல நாடுகள் பலஸ்­தீ­னத்தை ஒரு நாடாக அங்­கீ­க­ரித்­தி­ருக்கும் நிலையில், ஐ.நா.வின் முழு உறுப்­பினர் அந்­தஸ்­துக்கு அது விடுத்த கோரிக்கை இம்­மு­றையும் தொடர்ந்­தது. ஆனால், இந்தக் கோரிக்­கையை அமெ­ரிக்கா தனது வீட்டோ அதி­கா­ரத்தைப் (Veto Power) பயன்­ப­டுத்தித் தடுத்து வைத்­தி­ருக்­கி­றது.

உலக நாடு­களின் அங்­கீ­காரம் அதி­க­ரித்து வரு­வது, இஸ்­ரேல்-–­ப­லஸ்­தீன மோதலில் புதிய சர்­வ­தேச தாக்­கங்­களை உரு­வாக்கும் என நிபு­ணர்கள் கரு­து­கின்­றனர்.

மக்ரோன் எதிர்­கொண்ட அசெ­ள­க­ரியம்

ஐ.நா. பொதுச் சபை அமர்வில் ஒரு தனிப்­­பட்ட ஆனால் முக்­கி­ய­மான நிகழ்­வாக, பிரான்ஸ் ஜனா­தி­பதி இம்­மா­னுவேல் மக்ரோன் நியூயோர்க் வீதி­களில் எதிர்­கொண்ட அசெ­ள­க­ரியம் அமைந்­தது. டொனால்ட் ட்ரம்ப்பின் பய­ணத்­துக்­காக வீதிகள் மூடப்­பட்­டதால், நிரந்­தர பாது­காப்புச் சபை அங்­கத்­துவ நாட்டின் தலைவர் என்ற நிலை­யிலும், மக்ரோன் 30 நிமி­டங்­க­ளுக்கு மேல் நடக்க வேண்­டிய நிலை ஏற்­பட்­டது.

ஐ.நா. பாது­காப்புச் சபையின் நிரந்­தர அங்­கத்­துவ நாடான பிரான்சின் ஜனா­தி­பதி இமா­னுவேல் மக்ரோன், நியூயோர்க் நகரில் எதிர்­கொண்ட போக்­கு­வ­ரத்துத் தடை, அமெ­ரிக்­காவின் தலை­மைத்­து­வத்தின் கீழ் ஐ.நா.வின் தலை­மை­யகம் எவ்­வாறு இயங்­கு­கி­றது என்­பதை வெளிச்சம் போட்டுக் காட்­டி­யது.

ட்ரம்ப் ஜனா­தி­ப­தியின் பய­ணத்துக்­காக நகரின் வீதிகள் மூடப்­பட்­டதால், மக்ரோன் வீதியில் நடந்து செல்ல வேண்­டிய நெருக்­க­டிக்கு உள்­ளானார். "நான் ஒரு சாதா­ர­ண­மா­னவன் அல்ல, நான் பாது­காப்புச் சபையின் நிரந்­தர அங்­கத்­துவ நாட்டின் ஜனா­தி­பதி. நான் 30 நிமி­டங்கள் நடந்து செல்ல நேர்ந்­தது" என்று ட்ரம்ப்­பிடம் தொலை­பே­சியில் மக்ரோன் தெரி­வித்­த­தாகக் கூறப்­ப­டு­கி­றது.

ஐரோப்­பிய ஒன்­றி­யத்தின் "மூன்­றா­வது அலை" சிந்­தனை

ஐ.நா. கூட்­டத்­தொ­டரின் பின்­ன­ணியில், ஐரோப்­பிய ஒன்­றிய நாடு­களில் "மூன்­றா­வது அலை" (Third Wave) பற்­றிய உரை­யா­டல்கள் முக்­கி­யத்­துவம் பெறு­கின்­றன. இந்த 'மூன்­றா­வது அலை' என்­பது, உலக அர­சி­யலில் அமெ­ரிக்கா மற்றும் ரஷ்­யாவை மட்­டுமே நம்­பி­யி­ராமல், சீனா மற்றும் இந்­தியா உட்­பட ஒரு பல­து­ருவ உலக ஒழுங்கை (Multi- polar World Order) உரு­வாக்க ஐரோப்­பிய ஒன்­றியம் முயற்­சிப்­பதைக் குறிக்­கி­றது. இந்த விட­யத்தில் பிரான்ஸ் ஜனா­தி­பதி மெக்ரோன் உறு­தி­யாக செயற்­பட்டுக் கொண்­டி­ருக்­கிறார்.

"ஐரோப்­பிய ஒன்­றியம், அமெ­ரிக்­காவின் தலை­மை­யி­லான மேற்­கு­லக கூட்­ட­ணி­க­ளி­லி­ருந்தும், ரஷ்­யாவின் மீதான அதி­கப்­ப­டி­யான சார்­பி­லி­ருந்தும் விடு­பட்டு, தமது சுய­ராஜ்­யத்­தையும் மூலோ­பாய சுயாட்­சி­யையும் (Strategic Autonomy) உறு­திப்­ப­டுத்த வேண்டும் என்ற நிலைப்­பாட்டில் உறு­தி­யாக உள்­ளது. இதுவே 'மூன்­றா­வது அலை' சிந்­த­னையின் அடிப்­ப­டை­யாகும். இந்த சுயாட்சி, வர்த்­தகம், தொழில்­நுட்பம், இரா­ணுவம் மற்றும் கால­நிலை மாற்றம் போன்ற முக்­கிய பகு­தி­களில் ஐரோப்பா ஒரு தனி­யான உலக சக்­தி­யாகச் செயல்­பட அனு­ம­திக்கும்" என சர்­வ­தேச அர­சியல் நிபு­ணர்கள் கருத்துத் தெரி­விக்­கின்­றனர்.

இந்த மூன்­றா­வது அலை சிந்­தனை, ஐ.நா. போன்ற உலக அமைப்­பு­களில் ஐரோப்­பாவின் குரலைப் பலப்­ப­டுத்தி, அமெ­ரிக்­கா­வுக்கு மாற்­றான அணு­கு­மு­றை­களை முன்­வைக்கும் என எதிர்­பார்க்­கப்­ப­டு­கி­றது. இது அமெ­ரிக்­கா­வு­ட­னான முழு­மை­யான இணக்­கத்தைத் தவிர்த்து, ஒரு சுயா­தீ­ன­மான வெளி­யு­றவுக் கொள்­கையை ஐரோப்பா வடி­வ­மைப்­பதை நோக்­க­மாகக் கொண்­டுள்­ளது. இது ஐ.நா.வில் எடுக்­கப்­படும் முடி­வுகள், இரா­ணுவக் கூட்­ட­ணிகள் மற்றும் வர்த்­தக உடன்­பா­டுகள் போன்­ற­வற்றில் ஐரோப்­பாவின் குரல் தனித்தும், வலு­வா­கவும் ஒலிக்கும் என்­ப­தற்­கான ஆரம்ப அறி­கு­றி­யாகப் பார்க்­கப்­ப­டு­கி­றது.

இது இவ்­வா­றி­ருக்க 1945 ஆம் ஆண்டு இரண்டாம் உலகப் போரின் முடி­வில், உலக அமை­தியை நிலை­நாட்­டுதல், மோதல்­களைப் பேச்­சு­வார்த்தை மூலம் தீர்த்தல் மற்றும் மனித உரி­மை­களைப் பாது­காத்தல் ஆகிய உன்­னத இலக்­கு­க­ளுடன் ஐக்­கிய நாடுகள் சபை உரு­வாக்­கப்­பட்­டது. அமெ­ரிக்­காவின் தலை­மைத்­து­வத்தில் நிறு­வப்­பட்ட இந்த உலக அமைப்பு, 80 ஆண்­டு­களை நிறைவு செய்து, தனது 80-ஆவது பொதுச் சபைக் கூட்­டத்­தொ­டரை (UNGA 80) நியூயோர்க் நகரில் நடத்­தி­யது. உலக நாடு­களின் தலை­வர்கள் கிட்­டத்­தட்ட அனைவரும் ஒன்­று­கூ­டிய இந்தச் சபை, உலகின் பல பிரச்­சி­னை­க­ளுக்குத் தீர்வு காணும் ஒரு தள­மாகக் கரு­தப்­ப­டு­கி­றது. இருப்­பினும், இந்தக் கூட்­டத்­தொடர், ஐ.நா.வின் செயல்­பா­டுகள் மீதான கடு­மை­யான விமர்­ச­னங்கள், நாடு­க­ளுக்கு இடை­யே­யான அதி­க­ரித்து வரும் உடன்­பா­டின்­மைகள் மற்றும் உலகின் புதிய பல­து­ரு­வ­ம­ய­மாக்கல் (Multipolarization) போக்கு ஆகி­ய­வற்றின் வெளிப்­பா­டா­கவே அமைந்­தது.

ஐக்­கிய நாடுகள் சபை 80 ஆண்­டு­களைத் தாண்டிச் செயல்­பட்­டாலும், உல­­க­­ளா­­விய மோதல்­களைத் தீர்க்கும் அதன் திறன் குறித்து கேள்­விகள் எழு­கின்­­றன. மூன்­றா­வது உலக யுத்தம் ஏற்­ப­டாமல் தவிர்ப்­பதில் அதன் பங்கு இருந்­தாலும், பல பிராந்­தியப் போர்கள் மற்றும் அழிவுகள் அதன் செயல்திறன் பற்றிய விமர்சனங்களை ஏற்படுத்துகின்றன. இந்த 80-ஆவது கூட்டத்தொடர், ஐ.நா. தன்னை மறுசீரமைத்துக்கொள்ள வேண்டிய மற்றும் அதன் அதிகாரத்தை சரியான முறையில் பயன்படுத்த வேண்டிய தேவையை உலகத் தலைவர்களுக்கு மீண்டும் ஒருமுறை நினைவூட்டியது என்று குறிப்பிடலாம்.

யுத்தங்கள் நடைபெறாமல் தடுப்ப­தில் வெற்றி பெற்றாலும், தற்போதுள்ள மோதல்களை முடிவுக்குக் கொண்டு­வரு­வதிலும், நாடுகளுக்கு இடையேயான பிரச்சினைகளுக்குப் பேச்சுவார்த்தை மூலம் தீர்வு காண்பதிலும் முன்னேற்றம் இல்லை என்ற விமர்சனம் முன்வைக்கப்படுகிறது.

ஐக்கிய நாடுகள் சபையின் 80-ஆவது பொதுச் சபை கூட்டத்தொடர், உலகம் ஒரே முகாமிலிருந்து விலகிப் பலதுருவங்களில் பயணித்துக்கொண்டிருக்கிறது என்பதையும், ஐ.நா. தனது பாரம்பரிய வகிபாகத்தை மாற்றியமைக்க வேண்டிய கட்டாயத்தில் உள்ளது என்பதையும் உலகுக்கு உரக்கச் சொன்னது என்பதே யதார்த்தமாகும்.