தவறவிடாதீர்கள்..!உடனே பதிவு செய்யுங்கள்

விஜய் நாமக்கலில் பேசுவதற்கு அனுமதிபெற்ற நேரம் காலை 8.45. அவர்களின் அதிகாரப்பூர்வ பக்கத்தில் நேரத்தை குறிப்பிட்டு எழுதியுள்ளனர். ஆனால், அவர் சென்னை விமானநிலையத்தில் புறப்பட்டதோ  8.45 மணிக்குத்தான். பிறகு திருச்சி விமானநிலையத்துக்கு  10 மணிக்கு வந்து சேர்ந்துள்ளார்.    அங்கிருந்து நாமக்கல் சாலை மார்க்கமாக 90 கிலோ மீற்றர்கள் பயணிக்க வேண்டும். இதற்கு  பொதுவாக சுமார் இரண்டு மணி நேரம் ஆகும்.   அவர் கொடுத்த நேரம்  8.45 ஆக இருக்கும் போது    புறப்பட்டிருக்க  வேண்டிய நேரம் என்ன?  விஜய் வருகின்றார் என்று தெரிந்தாலே அம்மார்க்கத்தில் வாகன நெரிசல் ஏற்படுவது இயல்பு, ஆகையால் வாகன நெரிசலை கருத்தில் கொண்டு எப்போது அவர் புறப்பட்டிருக்க வேண்டும்?  அவர் கரூர் வந்து சேர்ந்த நேரம்  2.30 மணியாகும். அதே வேளை அவர்   கரூரில் பேச பெற்ற நேரம் 12மணி. இப்படி நேர அட்டவணை இருக்க அவர் வந்து சேர்ந்த நேரம் மாலை  7 மணி. இந்தக் கால தாமதத்திற்கு யார் பொறுப்பு ?