தவறவிடாதீர்கள்..!உடனே பதிவு செய்யுங்கள்

இரத்தினபுரியில் கொலன்ன பொலிஸ் பிரிவுக்கு உட்பட்ட அலிவாடிய பிரதேசத்தில் இடம்பெற்ற விபத்தில் பெண் ஒருவர் உயிரிழந்துள்ளதாக கொலன்ன பொலிஸார் தெரிவித்தனர்.

இந்த விபத்து நேற்று வெள்ளிக்கிழமை (26) இடம்பெற்றுள்ளது.

வலக்கடை நோக்கிச் சென்ற முச்சக்கரவண்டி ஒன்று மரத்தில் மோதியதில் இந்த விபத்து இடம்பெற்றுள்ளது.

விபத்தில் முச்சக்கரவண்டி சாரதி மற்றும் பின் இருக்கையில் இருந்த இரண்டு பெண்கள் பலத்த காயமடைந்துள்ளனர்.

காயங்களக்குள்ளானவர்கள் கொலொன்ன வைத்தியசாலையில் அனுமதிக்கப்பட்ட பின்னர் பெண்ணொருவர் சிகிச்சை பலனின்றி  உயிரிழந்துள்ளார்.

சிகிச்சை  பெற்றுவந்த மற்றொரு பெண் மேலதிக சிகிச்சைகளுக்காக எம்பிலிப்பிட்டிய வைத்தியசாலைக்கு மாற்றப்பட்டுள்ளதாக பொலிஸார் தெரிவித்துள்ளனர்.

விபத்தில் உயிரிழந்தவர் உல்லிதுவாவ பகுதியைச் சேர்ந்த 53 வயதுடையவர் என தெரியவந்துள்ளது.

பிரேத பரிசோதனைக்குப் பிறகு சடலம் உறவினர்களிடம் ஒப்படைக்கப்பட்டுள்ளது.

மேலும் கொலன்ன பொலிஸார் மேலதிக விசாரணைகளை மேற்கொண்டு வருகின்றனர்.