தவறவிடாதீர்கள்..!உடனே பதிவு செய்யுங்கள்

மித்தெனியவில் கைப்பற்றப்பட்ட பொருளில்  ஐஸ் உற்பத்திக்கு பயன்படுத்தப்படும் இரசாயனங்கள் இருப்பது  பரிசோதனையில் உறுதி செய்யப்பட்டுள்ளது.

20 இரசாயன மாதிரிகளில் 17 இரசாயன மாதிரிகள் ஐஸ் போதைப்பொருளை தயாரிக்கப் பயன்படுத்தப்படும் இரசாயனங்கள் என்பது  தெரியவந்துள்ளது.

தேசிய அபாயகரமான மருந்து கட்டுப்பாட்டு அதிகார சபையினால் நடத்தப்பட்ட விசாரணைகளின் போது இது தெரியவந்துள்ளதாக தெரிவிக்கப்படுகிறது.

கெஹெல்பத்தர பத்மே மற்றும் குடு நிலங்கா ஆகியோரினால், ஐஸ் போதைப்பொருளை தயாரிக்கப் பயன்படுத்தப்படுவதாகக் கூறப்படும் சுமார் 50,000 கிலோகிராம் இரசாயனங்களைக் மேற்கு வடக்கு குற்றப்புலனாய்வு பிரிவு செப்டம்பர் 6 ஆம் திகதி மித்தெனிய பகுதியில் கைப்பற்றப்பட்டது.

கெஹெல்பத்தர பத்மேவுடன் இந்தோனேசியாவில் கைது செய்யப்பட்ட பெகோ சமனிடம் நடத்தப்பட்ட விசாரணைகளின் போது மேற்கு வடக்கு குற்றப்பிரிவு கண்டுபிடித்த தகவல்களின்படி இது தெரியவந்துள்ளது.

பின்னர், தொடர்புடைய இரசாயன மாதிரிகள் தேசிய அபாயகரமான மருந்து கட்டுப்பாட்டு அதிகார சபை மற்றும் அரசு ஆய்வாளர் திணைக்களத்துக்கு சோதனைக்காக அனுப்பப்பட்டன.

அதன்படி, தொடர்புடைய மாதிரிகள் குறித்த தேசிய அபாயகரமான மருந்து கட்டுப்பாட்டு அதிகார சபையின் அறிக்கை கடந்த வெள்ளிக்கிழமை பொலிஸாரிடம்  ஒப்படைக்கப்பட்டதாக தெரிவிக்கப்படுகிறது.